「美心妹妹」Celine话咁快14岁网民惊叹唔同样：好似马德钟

2022-08-09 09:00

2013年，5岁的杨铠凝（Celine）因为拍摄美心广告而爆红，之后广告接唔停，获封广告小天后，之后仲参演过《爱我请留言》、《陪著你走》及《来自喵喵星的你》剧集。

当年嘅美心妹妹真系好可爱。

TVB剧集《爱我请留言》。

同马明出席活动。

同周秀娜出席活动。

2015年，6岁嘅Celine于书展推出写真集《童萌时光》，由于当中有几张相张开双腿又翘起臀部，甚至露出白色内裤，被批意识不良，警方当年曾介入调查，摄影师最终致歉。之后因为要专注学业，Celine减少幕前演出，但就依然活跃于自家的YouTube频道。

当年备受争议的写真集。

美心妹妹阿妈回应写真集争议。

Celine透露频道由妈妈负责打理，自己闲时会自拍生活片段，再交由妈妈剪辑上传。她说：「通常都系赞助商send啲product畀我哋，我哋再拍片，或者出去某啲地方影嘢再摆喺YouTube。」哦，即系广告频道。

估唔到佢而家都咁多广告。

周日出席《屁屁侦探电影：天才恶人屁屁亚蒂 + 梦幻的巨无霸番薯批庆典》首映礼的Celine被网民指大个女唔同晒样，佢表示认同，「大个咗唔同样每个人都系㗎啦，高咗都系唔同样，4岁同我14岁梗系会唔同。」佢仲自爆有计划加入娱乐圈，「因为唱歌，跳舞都锺意，拍戏正常都锺意，边方面都冇所谓。」连登巴打就劝佢三思先入行，话佢点解大个咗咁似宾妹?又疑惑14岁应该无敌，「做乜搞成咁?」，更有人话见到佢就即刻谂起马德钟，入行后可以演马德钟个女喎，网民真系麻鬼烦呀。