东张奸斩令丨李旻芳凭良心做事与黄耀英夫妻档返工放工较安心

2022-07-26 17:15

TVB人气节目《东张西望》女主持李旻芳否认收到「奸斩令」恐吓，她今日表示：「信息唔系我收到，详情系点我都唔系好清楚，我都系睇报道先知道。始终《东张西望》呢个节目内容有好多唔同范畴嘅报道，例如好多涉及民生嘅议题多人睇自然多话题同评论。有好多时都会收到观众留言嘅支持，但偶然的确会有好少数留言带有攻击性，虽然都会有啲担心，但系都担心唔嚟。相信只要凭良心做事，尽力做好，相信大部分观众都系理智嘅。」

可会担心人身安全？李旻芳称：「我自己平时唔返工都唔会周围去嘅，所有唯有出外采访时候痴实班幕后同事，因为幕后团队其实好照顾我哋，万一有咩事佢哋一定会第一时间保护我哋前线嘅主持。」

李旻芳表示会凭良心做事。

李旻芳因为身材出众，是「东张女神」之一。

李旻芳老公黄耀英则表示关于奸斩令一事要问太太，他直言相信任何人听到此等消息都会提高警觉，而两夫妇做同一个节目，社交圈子相同，有事一定会保护对方，他称：「做《东张西望》呢个节目有时做咩类型嘅题材大家都知道，所以呢啲情况有可能都避无可避。至于我嗰方面，好彩我哋系同一个节目工作，所以其实已经好多时都一齐返工放工，一齐食饭，一齐放狗。所以佢嘅朋友圈、同事圈同我嘅一模一样，大家合作咗咁多年都非常相信对方嘅能力，有咩事一定会保护对方。不过大前提系希望不愉快嘅事情唔好发生啦。」