罗家英大爆患癌期间汪明荃明示想嫁否认求婚19次自称有结婚恐惧症

2022-07-17 14:45

罗家英接受香港电台第一台《旧日的足迹》的访问，谈及对粤剧发展的寄望，分享加入电影圈的原由，并首次透露曾两度有冲动向汪明荃求婚。

罗家英上《旧日的足迹》接受主持车淑梅访问。

家英哥有三重身份，既是粤剧大老倌、喜剧圣手亦是汪明荃丈夫。他于节目中以粤剧、电影及为人丈夫作排位，他笑称：「当然以粤剧为主，其次系电影，跟住就系做人老公。」罗家英投身粤剧界60多年，一直以传承粤剧为使命，扬言希望杨润雄局长多留意粤剧界。1988年他与汪阿姐组织了「福升粤剧团」，成班之前二人于1987年合作演出粤剧《穆桂英大破洪州》。之后家英哥还以为对方会回归电视和唱歌的本行，岂料汪阿姐表示要跟他组织剧团长期合作，「我冇乜所谓，我冇花旦……我哋合作愉快，但只有一件事，佢最怕我用佢个名去宣传自己，我感觉到佢介意，不过我冇咁样做。我都知阿姐迷初时唔锺意我，但同我冇乜相干，因为佢继续锺意我，哈哈！」

罗家英与太太汪明荃都以传承粤剧为使命。

罗家英自爆与汪明荃拍拖期间，曾两度想向对方求婚。

汪阿姐开声攞家用

罗家英笑言自己吸引汪阿姐的方法是「真」，而阿姐亦不时在歌迷面前维护他：「佢应该咁做，我冇要求过佢养我、带挈我、畀钱我。你有你嘅，我有我嘅，我哋分得好开。婚后一齐住我有畀家用，佢好紧张㗎，佢话『你要养老婆，你唔使养老婆咩？』佢有钱都要攞你㗎！（做汪阿姐老公好开心？）呢啲喺世俗嘅眼光，我唔觉得佢高高在上，我感觉大家好平等。佢有钱、有名气，我唔介意，亦都唔稀罕，所以冇呢种心态。」

二人早前庆祝结婚13周年。

曾想于金像奖台上求婚

外间传闻家英哥向阿姐求婚19次，家英哥否认，更指对方家庭观念较他重，而他反而有结婚恐惧症。他透露2002年阿姐患癌，他没有提出结婚，直到2004年他患肝癌，阿姐开到声明示想嫁，「只系轻轻讲，喂！我哋几时结婚？我就话，结咩婚？唔好结住，睇定啲先，都未了解清楚......」家英哥回想曾经有过两次结婚冲动，第一次是汪阿姐担任人大要上深圳开会，他想到对方若从政，必先要处理好家事，所以需要给她一个名份。后来她做了政协便没有再刻意提及。第二次是1996年，他凭电影《我爱厨房》获提名香港电影金像奖最佳男配角，自觉胜算高，于是计划得奖之际，在台上即场求婚，令金像奖有一段佳话，「我请阿姐陪我去睇金像奖，佢都觉得我机会高，点知输咗。我有啲唔忿气，因为我觉得我由头到尾扮女人，好有难度。不过呢件事之后，我亦都冇出声（求婚），金像奖就冇咗段佳话嘞！就系呢两次，我一直冇话畀佢听我有咁嘅打算……几时讲？从来都冇讲，就今次讲啦。」

罗家英曾想在金像奖台上向汪明荃求婚。

罗家英否认求婚19次。

两个人一条命

后来，家英哥的妈妈离世要出讣闻，他要决定如何加上汪阿姐的名字。当时两人已有结婚的感觉，于是去了拉斯维加斯注册结婚。家英哥大赞阿姐是勤力的太太，家中杂务、粗重功夫她都会做，「佢锺意做嘢，身体好过我，早上9点几就起身精力无穷。我无想过退休，可能80岁啦。我有想过畀一啲遗产佢，畀一啲细佬。我对人生已睇化，经历咗几次大手术已冇乜嘢恐惧。好感恩个天对我不薄，我咁嘅学历、性格，都可以做到咁已经好满足。多谢个天畀我一个咁好嘅太太。黄昏之时，都畀我美丽嘅华彩！我哋相处之道就系，我有病得半条人命，佢有病得半条人命，两条人命夹埋一条人命，就系你中有我，我中有你。」于节目中隔空向太太示爱。