李司棋赞「网友」似白马王子紧张到失眠轩仔望请前辈拍MV演疯狂角色

2022-07-14 21:30

张敬轩和李司棋两人看似「大缆扯唔埋」，但他们不约而同在社交媒体十分活跃，早已成为「网友」，因此司棋姐也得知轩公「无啖好食」；相反轩公又有留意司棋姐经常拍下厨片，而近日两人获品牌撮合一同拍广告，司棋更自言为此失眠：「我好紧张，几十岁人都未试过，因为从来冇见过轩仔真人，我好锺意佢对眼，一望到佢对眼就唔记得对白，我锺意咗佢好耐，佢个样好似我细个睇公仔书入面嘅白马王子。」

两人日前一同拍广告。

轩仔七情上面喎。

听到司棋大赞自己后，轩公亦礼上往来说：「我都好开心，终于同网友见面，其实我哋喺网上识咗一段长时间，好锺意睇佢啲帖文，睇佢食嘢特别好味，好欣赏佢著衫嘅穿搭，对生活嘅品味，今日司棋姐仲亲手整咗茶熏鸡请我食。」司棋姐闻言即笑谓：「我见到轩仔朝早要食嗰种早餐，其实我都试过，所以有冲动想过去佢度帮手煮几日早餐，尤其见到轩仔父母唔喺身边，冇人照顾，加上工作又忙，睇到我好肉赤。」

最后，轩公表示一直想找司棋姐做MV女主角，安排一个剧力万钧角色给她，但见到司棋姐真人后，发觉她生活和银幕上是两个人，反而觉得找她做一些好疯狂、好多面的角色，司棋姐答允若轩仔日后邀请必定帮忙。