佘诗曼入行25年诉心声锺意所演角色从不觉辛苦

2022-07-13 20:00

现年47岁的视后佘诗曼，1997年参加香港小姐夺得季军入行，多年来拍过无数经典角色，成为TVB最红花旦，更凭《延禧攻略》中的「娴妃」一角在内地爆红，剧集、电影及广告接不停，赚到盆满钵满。佘诗曼今年入行25年周年，今日她在社交网透露入行多年的心声，除感激每一位的支持和照顾，更表示会一直演落去，因为表演已经成为她生命中的一部分。

阿佘（左）于1997年当选港姐季军。

阿佘表示入行后好似好忙，但她从来唔觉得辛苦。

阿佘打长文分享入行多年的感受。

阿佘写道：「成日话时间飞逝，无谂到真系飞得咁……快！咁就入咗行25年喇。过去咁多年好似好忙，但又好似咩都冇做过咁，可能因为太开心喇！从来唔觉得辛苦（除咗拍戏太晒之外），从来唔埋怨，因为锺意！太锺意我嘅工作喇！锺意我演过嘅所有角色（除咗一部），感谢每一位俾过机会我嘅人，感谢观众嘅喜爱，感谢一直守护我嘅fans，感谢所有曾经合作过嘅每一个你，感谢你哋对我嘅照顾，对我嘅好，衷心感谢！」

佘诗曼感慨完毕后再提及将来，她表示：「表演已经成为我生命中嘅一部分，所以我会一直演落去，就算你们睇厌咗，我都会继续～期待下一个25年，都有你哋喺我身边，继续精采。」不少圈中好友包括锺嘉欣、周家蔚都有留言大赞及送上鼓励。