童时爱上你丨杨卓娜扭计骰肖像画制作耗时224小时与吴家乐第三度演夫妻不觉闷

2022-07-08 20:30

TVB剧集《童时爱上你》昨晚（7日）播出第9集，杨卓娜饰演的Elsa与吴家乐饰演的Rock这对夫妻貌合神离，却在网上以「扭计侠」及「小女鞋」身分相处融洽。Rock一早知道Elsa就是「小女鞋」，仍保守秘密继续接触「小女鞋」寻求慰藉。随着Elsa嗌离婚，Rock终于鼓起勇气自揭「扭计侠」身分，Elsa对此不但未能接受，更怒掴Rock兼泪崩，斥对方明知自己对「扭计侠」有感情，Rock哭着跪求原谅，Elsa推跌Rock以扭计骰砌成的肖像画后愤然离去。

对于角色屡获好评，杨卓娜（Lenna）受访时归功于剧本说：「啲爆喊戏都系跟住剧本去做，只要放松自己投入个角色就OK，完全冇刻意谂啲伤心嘢，因为剧本好，令到我情绪推动好自然，对演员嚟讲系好大帮助。」谈到角色情绪起伏大，Lenna透露未有将负面情绪带回家：「咁多年嚟都冇试过，可能未遇到过真系好精神分裂嘅角色。」

Elsa知道咗Rock就系「扭计侠」之后，嬲到怒掴Rock。

杨卓娜话爆喊戏都系跟住剧本去做。

Rock爆喊加跪埋喺度道歉都冇用……

吴家乐喊到鼻涕都流埋出嚟，入晒戏！

杨卓娜又指与家乐的决裂戏是其中一场最深刻场口，她说：「嗰场戏令到我好崩溃，同埋我要推冧嗰幅肖像画，幅画系公司嘅美指同道具部用咗好多时间同埋好多粒扭计骰砌出嚟，推冧佢真系好心痛。我真系好锺意幅画，嗰刻我真系有啲崩溃，觉得好对唔住公司道具部嘅同事！」据知这幅杨卓娜扭计骰肖像画，总共动用了672个扭计骰，而每个扭计骰要扭成所需图案约耗时20分钟，即共用了约224小时制作，一点都不简单。讲到第三度与吴家乐演夫妻，Lenna笑言：「嚟紧有套剧又系同佢做一对，但因为每次嘅角色同埋发挥都好唔同，一定唔会令到观众有闷嘅感觉，系有新鲜感同埋有趣嘅。」

另外，吴家乐为演好「扭计侠」花了不少功夫，监制廖晋硕透露当家乐知道角色擅长玩扭计骰后便开始在家中苦练，监制说：「其中一场讲佢一边倾偈一边好快咁玩扭计骰，单单一场咁小嘅场口，家乐都用咗好长时间去练，真系落咗好多心机！」