独家丨何依婷做食物链最低层 手术后学懂自我减压

TVB以剧集《回归光影颂》系列庆回归，出动埋视帝、视后及上位姐仔、小生演出，何依婷于今晚播出的单元剧《神奇的灯泡》中饰演仙女，为失意的周嘉洛、江嘉敏燃点希望。对于被捧「名册」榜上有名，何依婷笑言：「我个仙女角色系带出被捧嘅同事，我只系食物链最低层！」采访：方骞平

何依婷高中读过世史，所以都有了解香港回归嘅历史。

剧中何依婷演现代版仙女，她都想试吓扮仙子。

由陈维冠监制嘅单元剧《神奇的灯泡》由周嘉洛、江嘉敏及郑子诚饰演前路茫茫，各有抱负嘅都市人，由手持神奇灯泡嘅仙女何依婷带来希望。由于仙女要从天而降，拍摄时何依婷企喺一盏街灯咁高嘅升降台，因为降落时嘅离心力，吓到佢脚仔软，唔敢望向下。

何依婷呢个仙子造型好可爱。

监制操刀学到嘢

被指受力捧，何依婷谦称咁啱啫，「剧中由我带出故事人物，所以由我去带出被捧嘅同事！」她称此剧重点系监制亲自落场操刀，今次如同跟大前辈学嘢，对演戏重新认识。

有份拍回归剧嘅何依婷唔认受力捧。

何依婷近日除咗主持新节目《魔法伽利略》外，又拍新剧《美丽战场》，提到数月前曾秘密入院接受割除良性肿瘤手术，问到工作量增多，身体能否应付？她表示病后反而学会放轻松：「𠵱家心态唔同咗，冇以前咁大压力，唔会做唔到100分而唔开心，明白到只要付出努力就ok！其实做人最紧要系热爱生活，取得身心健康平衡，因为睇通咗，𠵱家开心咗好多。」

何依婷跟冯盈盈及魔术师甄泽权，齐主持新节目《魔法伽利略》。

受力捧嘅何依婷，最近忙拍新剧《美丽战场》。

之前何依婷喺《机场特警》中，穿bra top洗车一幕引嚟好大回响。

《十月初五的月光》中何依婷首做女一，反应好坏参半。

 

因为拍《十月初五》压力太大，之前何依婷接受本报访问时忍唔住喊。

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ