独家丨赵慧珊获赞达影后级数拍《黑金风暴》首演动作戏

2022-07-05 07:00

赵慧珊（Aka）和导演林迪安最近在开电视剧集《黑金风暴》首度合作，虽然这是 Aka处拍剧，但林导却大赞她既聪明又有heart，拍首场文戏表现已达影后级数，最难得连动作戏一样值80分，讲明该剧开下一季必预她。而林导女儿林沚羿早前参加《声梦传奇》入行，他坦承最恨跟囡囡拍戏演父女。采访：杜杜摄影：沈健程　服装：Snidel　场地：The AIR (The ONE)

Aka跟林迪安导演虽然是初次合作，但两人惺惺相惜。

面对林导，Aka坦承未开拍已有一定压力，「老实讲我一开始系有啲怯，因为知道合作嘅系个大导演、荷里活嘅导演。第一次见到林导好紧张，以为佢好严肃，但佢竟然知道我个名，叫我慧珊，谂住佢连我系边个都唔知，真系好亲切。」拍落Aka更觉获益良多，「佢拍动作场面全部都快靓正，就连揸枪手势咁小嘅嘢都会提我，『记住望住支枪，对眼唔好眨』，跟住我就去试，出嚟个动作真系靓好多。」

Aka本身有舞蹈根底，对演动作戏有一定帮助。

林迪安除了做幕后，一切也有参与幕前工作。

预告开拍下一季

林导反而盛赞Aka这个拍剧新丁表现，「我同佢倾咗场戏之后，等佢自己发挥先，佢一演吓亲我，影后嗰啲级数呀！」听到导演说话，Aka劲开心狂笑，点知只是开始，林导提到拍爆破等动作场面时，再次力赞她，「佢听我讲啲动作时都惊，哈哈！问佢有冇问题，佢讲冇问题都有少少震，但feel到呢个女仔得，起码个口够胆讲冇问题先，有啲会话会弹到块面喎！但系佢有成功演员必备嘅条件，就系有heart，佢喺做动作嚟讲有80分，慢慢再增长，嚟紧第二、三集就有90分。」追问林导是否预告开下季？「睇吓观众意见，但系我哋系预咗。」至于系咪会预埋Aka份？林导即搞鬼话：「哗！一定要啦！冇佢我都唔做，哈哈！」