MIRROR红馆演唱会本月底开锣 DJ爆有婆婆抢唔到飞喊咗几日

2022-07-02 18:00

人气男团MIRROR将在本月底至8月头首次在红馆举行12场演唱会，自优先订票及公开发售后，瞬间已被抢购一空，不少「镜粉」（fans昵称）未能成功抢飞大表失望。港台音乐节目《骚动音乐》主持之一的彬臣，前日（6月30日）便透露一个婆婆抢飞的无助情况，他表示与妈妈突然问他有冇方法购买MIRROR演唱会门票，他非常愕然以为妈妈是「贪得意」跟上潮流，后来妈妈解释是帮公司的清洁婶婶购买，彬臣说：「呢位婶婶74岁，未退休。你都知道老人家要去接触科技嘢真系唔简单，尤其网上买飞唔似我哋有晒攻略。」

讲讲吓，本月底就开骚。

彬臣（左）在节目中透露婆婆抢飞过程。

为了想成功购票，彬臣指婆婆更以440元会费加入MIRROR官方歌迷会成为MIRO：「你知老人家都唔系特别舍得使钱，我阿妈话：『佢足足上咗两日网，最终都揿唔到，仲喊咗几日，阿仔你有冇方法帮到佢？』」虽然彬臣坦言爱莫能助，但他感受到最大的冲击反而是一位老人家愿意花时间和心机学习上网购票：「我深信佢除咗自己睇之外，可能想同孙仔、囝囝女女一家人去睇，呢个故仔真系令我印象非常深刻，我个心乸乸哋。」有网民得知事件并在讨论区发文指为何演唱会没有关爱座门票，以便长者或行动不便的人士也可以入场睇骚。