独家丨林利收入有限唔敢乱挥霍避免与太太嘈交半年离家出走6次

2022-06-28 17:45

55岁林利跟台湾太太陈贞均（Erin）年纪相差14岁，结婚近3年屡传婚变。前日（26日）林利被太太拍片公审，指他「骗吃骗住」，从没收过钻戒及举行婚礼。林利事后对台湾传媒反指Erin一星期最少有3天饮醉酒，又暗示二人已没性生活，透露两夫妻冷战中决定暂时分居。

林利已搬离爱巢，独自到酒店暂住。（图片由受访者提供）

《头条娱乐》今日联络身在台湾的林利，透露自己已搬离台北内湖区的爱巢，租酒店暂住。问到会住几耐，有没有计划返香港？林利说：「几日啦，唔想对住嘈交，我8月都会返香港，但唔系因为今次事件，而系有啲工作。」林利今趟在台湾居住的7个月期间，原来已非第一次「离家出走」，他说：「5、6次啦！我年纪唔想同你玩、同你嘈、辩驳，我需要静吓。搬走几日，始终屋企人。（Erin话会轻易离婚？）我现在好平静，离唔离对我呢个年纪无所谓，锺意走就走，锺意一齐就一齐，我好包容佢成家。」

林利自爆今趟去台湾7个月，已离家出走5、6次。

享受宁静生活，识晒V字影相，婚变似乎未有影响林利心情。

一个人入住酒店，行李唔太多。

还原被拍片经过

林利直指Erin情绪起伏好大，平时好好地，但每次饮酒都会变另一个人，「我自己手机都唔舍得买，上星期就送咗部新手机畀佢，当时佢仲好开心话『多谢老公』，好癫覆，两个人咁，好恐怖呀其实！」他更还原被拍片放上网经过，他说：「嗰日食饭，佢饮猫咗，突然拎部机出嚟影我，跟住就无厘头话要钻石、婚礼，话我呃饮呃住，我都唔知点解，但其实都唔系第一次（拍片），饮完酒就系咁。佢系读新闻系，唔开心，就话要搞到我听日上头条，好识挖啲嘢出嚟，无事生非，唔知对佢有咩好处。」

林利指太太唔饮酒时好好。

还原被拍片经过，原来已经唔系第一次。

而Erin的妈妈患有精神病，上周用刀指吓林利，现已被送入精神病院。林利表示一直与Erin妈妈同住，亦会照顾对方，但承认自己亦承受好大精神压力，他说：「一个癫一个丧，佢（Erin）唔饮酒时真系好正常，所以我都包容，可能佢由细到大喺单身家庭长大，有啲影响，佢都好叻一直照顾妈妈，起码佢唔系是坏人。」冷静过后会否𠱁番老婆？她说：「佢好硬颈，唔受𠱁，个性系咁，好难同佢沟通到。」

二人年龄差距14年，结婚近3年屡传婚变。

林利去年底丧母，心情已经唔太好。

林利指太太唔饮酒时好好。

有过好多甜蜜回忆。

见得多反而磨擦仲多。

平日知悭识俭

疫情期间，夫妻合力经营的网店生意麻麻，收入有限，林利直言不敢乱挥霍：「我生活好平淡，唔多应酬，几乎系零，只系每日饮两杯白酒，9、10点就瞓觉。而家经济差生意唔系咁好，虽然我都有啲钱，但搣吓搣吓都好快用完，仲要系3个（人），咁嘅情况仲要呢样要嗰样。」谈到夫妻间欠缺性生活，他思量一会感叹谓：「男女之间，只系想搵个伴，唔啱就拜拜，一人生活都几好。日日讲句『我爱你我爱你』好容易，但懂一个人最难，有爱先会有性。」