独家丨庄韵澄PO推胸照狂收变态私讯开美容院做埋「胸模」吸客

2022-06-15 07:00

40岁的庄韵澄(原名庄端儿)喺疫市下跟拍档各投资6位数经营美容店，主打人手推胸疗程可以疏通乳腺淋巴及瘦身减肥。为求尽快回本，佢更做埋Model，瞓身拍片介绍推胸疗程，见佢本已相当巨型的上围被推到胀卜卜，真系睇到面都红晒。虽然做咗「胸模」后惹嚟劲多变态私讯，但庄老板话生意好咗，上围又升Cup至32F，最重要老公好满意，抵消晒收到变态留言嘅唔开心。采访：方骞平摄影：沈健程场地：七玥能量美容中心

庄韵澄开美容院当然要「自肥」，每日去按摩美胸。

32F庄韵澄做埋美容院生招牌。

第5波疫情影响咗好多艺人饭碗，拍戏产量唔多嘅庄韵澄为咗自救，疫情下大胆投资美容中心：「坦白讲冇工开都要生计㗎，我喺呢行搵得唔多，连埋老公(经理人吕成忠Joe)啲钱全部掟晒落去投资，相信有危自有机。」

庄韵澄喺疫市下跟拍档各投资6位数经营美容店。

私讯被赞好大胸

美容中心只属小本经营，庄韵澄悭得就悭，自己做埋生招牌推销疗程，披上大毛巾任技师推胸。虽然已有一子「波仔」吕崇滈，近日又宣布怀有第二胎，但庄韵澄的胸部仍然好有弹性。她说：「女人美胸好重要，个胸挺身形线条都会靓啲，尤其生产过及喂完人奶嘅妈咪，好容易好似波咁泄晒啲气，会变细及下垂，𠵱家我胸部依然有弹性，仲由原本32E升Cup至32F。」

美容院打算今年初开业，可惜未营运经已被迫停业4个月。

她还自爆推淋巴有助血液循环，肤色都Pink咗！虽然出片后多咗好多妈咪表示有兴趣，但亦收到唔少变态私讯留言：「有啲系粗口，有啲留言话『留返畀我帮你推啦』、『好羡慕我老公』、『做唔做男宾其他疗程？』、『你真系好大』…甚至有啲难听到唔可以出到街，基本上我唔会理，佢哋只系键盘战士，话畀老公听都嘥气。」

庄韵澄做埋「胸模」，瞓身拍片推介疗程。

示范人手推胸过程中见她展露豪乳深沟。

老公好满意效果

问老公阿Joe系咪非常满意效果？庄韵澄大笑说：「都系，佢最开心系我调理身子后，咁快再有咗，其实我哋12月尾先开始不设防，而且冇用任何食疗及睇医生。𠵱家佗B 3个几月，暂时未知仔定女。我最担心谷奶时上围会挑战40F，好恐怖。」问到会否益埋啱啱生完第3胎嘅(前度)张致恒老婆雯雯？她带点尴尬说：「冇联络，我有赞助圈中好友郭奕芯、雪子(邓咏雪)、乐宜等去推胸。」