冯允谦首度开骚叹挑战大身为创作歌手唔想卖肌肉

2022-06-03 07:00

日前冯允谦（Jay）作客TVB娱乐新闻台节目《StarTalk》，接受主播许文轩（Edmond）专访，大谈即将举行演唱会感受。首度开骚对Jay挑战大，他说：「今次唱嘅歌系我有史以来最多，要好好拿捏，因为自己把声一唱得耐就会攰，依家隔日都会去上堂练声，唔想令大家失望。（骚下肌肉？）我系创作歌手！唔系卖呢啲！更何况真系冇肌肉，而家有一嚿好结实，因为爸爸返咗嚟香港，成日煮啲好好味嘅嘢！（难得爸爸返咗嚟，食肥少少冇所谓？）有所谓！因为真系操得好辛苦！」

Jay入行10年，即将首度开骚。

谈到入行10年成为前辈歌手，Jay直言怕怕，他说：「啲人叫我前辈，我会话Please Don\'t！依家有啲歌手行埋嚟话好锺意我，话细细个听我啲歌大，我会觉得自己好老！之前做运动，见到有个妈咪带住小朋友，同我讲话唔好阻住哥哥，我几开心，佢叫我哥哥，唔系叫我做阿叔！（英文Uncle会唔会好啲？）仲衰！唔该叫我哥哥！」

近年获其他歌手邀歌，Jay直言入行创作是他的目标，他说：「我有个梦想就系帮全港歌手写歌，依家开心多咗人认识自己嘅音乐，希望如果十大歌曲，十首里面有六、七首系自己写，不论系自己唱或者帮其他人写都好，希望为乐坛作出贡献。我唔会话将最好嘅嘢留畀自己，写到一只好歌适合一个歌手唱就畀佢。」