少爷占抱爱犬出街撞到演艺界朋友被问：呢种系咪叫富贵狗呀？

2022-06-02 23:45

好多艺人都锺意玩IG，同Fans Share生活日常，有啲艺人出Po好闷，贴一张靓相，写一堆得佢自己先明嘅字，懒文青咁。有啲就个个Po都同广告有关，太过铜臭味都唔好睇。推介吓少爷占嘅IG，疫情好严重时，佢隔日出煮食Po，实用性强，真系跟到㗎。一系出亲子Po，或者同爱犬有关嘅 Po，文字简单但有意思，几好睇。

最新一个Po几好笑嘅，真系好想Share，阿占话有单正嘢。
「同MiuMiu（即佢只狗）出街食嘢，撞到好耐冇见嘅演艺界朋友，有以下嘅对话：

A: 喂，占，好耐冇见!
J: Hello!
A: 你只狗好得意呀，呢种系咪叫富贵狗呀？
J: …….」

好多网民留言问演艺界朋友系边个，其实讲得嘅话阿占都讲咗出嚟，重点系富贵狗三个字真系好好笑，同埋个hashtag #连MiuMiu都笑，暗示连只狗都笑个演艺界朋友。