独家丨吴浩康为BB南丫岛搵定学校　跟郭思琳婚后学懂珍惜

3月刚跟郭思琳成婚的吴浩康（Deep），早前推出新歌《见字医病》，以疾病及身体状况形容一段关系。升呢人夫的他直言对这首歌有更深刻体会，踏入人生新阶段，很自然更懂得珍惜和尊重另一半，而对于将为人父，他承认自己有变虎爸潜质，现正努力调整心态，希望能跟下一代好好沟通。

采访：杜淑霞 摄影：Billy

发型：Moe@IL COLPO (On Lan Street,Central)

化妆：木子维纳_Vena

服装：The Outnet、DEMO OFFICIAL

场地：The AIR (The ONE)

Deep终于感受结婚和拍拖的分别，承诺真的会令人改变。

 

访问每提到太太郭思琳，Deep就会把弄指上婚戒。

新歌是Deep首次跟作曲人Cousin Fung和作词人Oscar Lee合作，他大赞他们的作品水准超出预期，所以合作得相当愉快。讲到歌曲的含意，新婚的他承认会多一层体会，「首歌讲有毛病时，仲有爱嘅话快啲处理，两人一齐面对，呢个态度一定啱，我哋嚟紧会经历好长路，都预咗有唔如意时，我会抱住呢个态度，有问题唔紧要即刻处理，一齐处理。」

《见字医病》MV，Deep请来师弟朱天（Justin）及小师妹郭思（Suey）演出。

 

3月15日，Deep跟郭思琳举行婚礼，当时太太已怀有3个月身孕。

拍拖结婚大不同

以往感情经历丰富的Deep，跟郭思琳都觉得拍拖与结婚，感觉大不同，「我都同佢倾过，虽然大家有一齐住，都系好close，但系当宣告咗呢个承诺，系唔一样，真系唔会再谂退路，合则离不合则去嘅座右铭冇咗，听每一句说话反应又会好唔同，以前会觉得忍咩啫，系啱就啱错就错，𠵱家觉得老婆可以忍吓。」

早前因郭思琳染疫，Deep大赞同住的72岁爸爸好乖肯配合。

 

早前Deep为郭思琳庆祝首个母亲节。

郭思琳预产期为9月，快将荣升爸爸的Deep，心情相当紧张，已开始为宝宝搵学校取经，「我有我老婆冇，我已经联络晒识嘅人，问点拣同边间好，南丫岛都睇埋，因为知冇咁多人争。」近年主力教学生唱歌的他，更担心习惯揸主意，将来会变成虎爸，「我系个几控制狂爸爸，𠵱家都尽量准备好心态，因为教学生或者过往同细路仔相处，特别系教大个嘅学生，佢哋系buy我呢套先至嚟，我唔使同佢沟通，一句说话杀落去就得，支配咗佢思想，用我个脑谂嘢，但系个仔就唔得嘛，起码令佢有嘢都会同我讲。」

Deep近年主力教学生唱歌，间接培养了成为虎爸。

 

Deep跟外甥沟通时，才醒觉自己爱上支配人。

 

更多新冠疫情资讯，请到以下专页浏览

按此 https://bit.ly/3JqiBzz

立即下载 | 全新《星岛头条》APP https://bit.ly/3yLrgYZ