独家丨汤洛雯两年内结婚唔要世纪婚礼 狂赞马明有责任感又稳重

2022-05-20 07:00
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time -:-
 
1x
    • Chapters
    • descriptions off, selected
    • captions and subtitles off, selected

      靓汤坦承疫情亦有影响跟马明的结婚计划。
      靓汤坦承疫情亦有影响跟马明的结婚计划。

      汤洛雯(靓汤)连续有3套剧播出,虽然《双生陌生人》反应未如理想要浓缩集数,但佢睇得好开,坦言「百货应百客」。对于工作,靓汤表现佛系,但讲到同马国明(马明)的感情,靓汤觉得外间嘅过度关注令佢好有压力,外间愈八卦佢就愈想低调,同时又大赞48岁的马明成熟稳重表现令她很安心,更强调跟马明已认定对方,亦有讨论过结婚,只系疫情打乱了计划。

      采访:杜杜 摄影:沈健程

      马明2月生日,靓汤都在公开送上祝福。
      马明2月生日,靓汤都在公开送上祝福。

       

      靓汤提到马明笑得咁开心,就知两人感情有几好。
      靓汤提到马明笑得咁开心,就知两人感情有几好。

       

      靓汤在《双生》首度跟马神(马德钟)合作,她初时都被对方比较cool的形象吓到,但合作后即改观,「初头同佢合作有啲惊,今次识落发觉佢好锺意搞gag。」讲到马神气场劲,靓汤自夸应付有一手,「就算气场劲嗰啲,都会畀我搞散咗个气场,哈哈!」

      靓汤在《双生》演马神初恋,还要以女神姿态现身。
      靓汤在《双生》演马神初恋,还要以女神姿态现身。

       

      汤爸爸教路变佛系

      对于《双生》要由25集浓缩变20集,靓汤自认佛系好睇得开,「莫讲浓缩集数,就算收视未如理想都唔系好介意,我哋尽心尽力去拍,出到嚟有时真系百货应百客,唔系个个人锺意,但都有人会欣赏,见到有留言话『点解cut5集,我想睇呀』,所以有时唔能够用一样事去衡量。」

      靓汤跟爸爸感情要好,虽然反对囡囡入行,但亦有提点她。
      靓汤跟爸爸感情要好,虽然反对囡囡入行,但亦有提点她。

       

      2012年,靓汤参加港姐大热倒灶,未能打入三甲。
      2012年,靓汤参加港姐大热倒灶,未能打入三甲。

       

      靓汤变「佛系汤」,跟入行10年及爸爸汤镇宗有关,「啱啱选完港姐,有啲角色好细,做妓女可能得两、三场,有啲唔系好想做,导演同监制好正面咁同我讲『好多人都系做呢啲做出嚟,因为要试你做唔做到唔同角色』,再加上爸爸成日都话『呢个世界一加一唔等于二,但系零加零就等于零,人人话你好,自己觉得有咁嘅条件、天份,唔一定事事畅旺,尤其系呢行』,我听完觉得一定要努力,其他嘢就畀个天去决定,所以形成到咁佛系,人生流流长,样样嘢都咁介意,个心咪要载好多嘢,咁咪唔使瞓觉!?」

       

      早前汤镇宗和汤镇业两兄弟,齐齐在网上玩直播。
      早前汤镇宗和汤镇业两兄弟,齐齐在网上玩直播。

       

      靓汤坦言家人未有催婚,所以她也不太着急。
      靓汤坦言家人未有催婚,所以她也不太着急。

      有倾结婚冇讲出嚟

      提到汤爸爸,早前跟汤镇业两兄弟开live时,向靓汤和马明催婚一事,靓汤笑指爸爸只是应网民要求,私底下从没催婚。对于外界不断追问婚事,靓汤坦承有压力,「每隔两、三个礼拜或者一个月,就会问我系咪结婚,又传买咗楼,又话结咗婚。」靓汤提到甚至有网民会留言话佢年纪唔细,仲唔生就生唔到。靓汤愈讲愈疑惑,「系咪一定要闪婚先叫做正常呢?马明性格比较稳重,佢唔会好容易做决定亦唔会冲动,系一个好有责任感嘅人,我都好欣赏佢呢样嘢,咁样先令我觉得佢对我系负责任,令我更安心。」

      靓汤跟马明最初拍拖,都会不时放闪,但近期愈来愈少。
      靓汤跟马明最初拍拖,都会不时放闪,但近期愈来愈少。

       

      刚过35岁生日的靓汤,冇在网上分享同马明庆祝情况,实则他们staycation度过。
      刚过35岁生日的靓汤,冇在网上分享同马明庆祝情况,实则他们staycation度过。

      35岁的靓汤承认跟马明有认真计划过结婚,但因为疫情打乱了计划,「我哋有讨论过,但唔通我哋每一步讨论都同观众讲?」对于马明年纪唔细,所以大家都戥佢心急,问到会否两年内解决,靓汤坦承都希望做到,「疫情都有少少影响,之前有第5波,都系想稳定啲先,同埋我同佢都系嗰啲,不如就咁算,乜都唔好整啦!哈哈!但马明都系想储钱买楼,有个安乐窝先,?¥ᆴᄊ系入巿好时机,哈哈!」靓汤梦想中婚礼不需要太隆重,「唔使世纪婚礼,唔使好大坛,但可以留到做回忆,我想同每一个嚟嘅人,真系有交流过,唔系唔记得佢有冇嚟,所以细细哋就够。」最后靓汤更作出甜爆呼吁,「总之我哋认定咗㗎嘞,结婚系迟早问题,希望大家唔好太心急。」

       

      近期忙拍新剧《隐门》的靓汤,还惨受胃炎困扰。
      近期忙拍新剧《隐门》的靓汤,还惨受胃炎困扰。

       

      更多新冠疫情资讯,请到以下专页浏览

      按此 https://bit.ly/3JqiBzz

      立即下载 | 全新《星岛头条》APP https://bit.ly/3yLrgYZ

       

      關鍵字

      最新回应

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策