独家丨「猪肉档AK」Cute爆童年照独家曝光 中四辍学做过龙虎武师

2022-05-17 02:00
「猪肉档AK」阿威Cute爆童年照独家曝光。
「猪肉档AK」阿威Cute爆童年照独家曝光。

「荃湾猪肉档AK」刘宋威突然爆红,短短两星期,「威粉」于社交网成立嘅「荃湾鲜肉威威应援团」已超过万三位成员。拥有Bling Bling眼神,小姐阿太狂赞佢靓仔又大只嘅阿威,向《头条日报》独家公开4张绝密童年照,发现阿威由细靓到大,另他自爆中四辍学「炒散」养家,做过龙虎武师,偶像系郑中基,每日返工前会整定饭盒畀屋企人,自言怕丑嘅佢仲好识做,主动拣嚿靓猪肉兼双手送畀记者做杨屋道手信,「吸粉」能力超强。采访:方骞平 摄影:沈健程 场地:鲜味

阿威小时候眼大大好可爱
阿威小时候眼大大好可爱
叫阿威展示手瓜时,他怕丑到耳都红埋。
叫阿威展示手瓜时,他怕丑到耳都红埋。
阿威好细心拣咗块靓猪肉送畀记者做烧肉,做完访问仲提示记者拎走。
阿威好细心拣咗块靓猪肉送畀记者做烧肉,做完访问仲提示记者拎走。
阿威口花花话前臂no regret唇印纹身系为记者而纹,正衰嘢。
阿威口花花话前臂no regret唇印纹身系为记者而纹,正衰嘢。

35岁嘅阿威英文名叫Samuel,佢想亲切啲,锺意大家叫佢做阿威。问到煞食位,阿威直认自己有对笑容亲切嘅「腰果眼」,其次系怕怕丑丑嘅性格,畀人和蔼可亲感觉。 

阿威有对煞食识笑嘅「腰果眼」。
阿威有对煞食识笑嘅「腰果眼」。
对眼几迷人。
对眼几迷人。

曾入篮球排球校队

翻开阿威嘅Cute爆童年照,他自揭成长经历:「因为有六姐一妹,我喺温室中长大,所以比较怕丑,以前冇人赞我靓仔,只系话我眼大好睇,(几时开始被赞靓仔?)哈…啱啱开始。」阿威坦承读书成绩一般,但热爱运动,系学校排球及篮球队队员,曾为学校拎过奖,佢强调绝对唔系校草:「我发育得较迟,只喺班中排第4个高嘅男生,𠵱家身高1米82,体重180磅,之前会去健身、行山都操到6块腹肌。」

佢话自己细个较静,唔算好活跃。
佢话自己细个较静,唔算好活跃。
生于温室家庭,有6姐及一妹。
生于温室家庭,有6姐及一妹。
自幼喜欢运动,发育后变6尺高。
自幼喜欢运动,发育后变6尺高。

最爱郑中基够搞笑

据本报收到独家消息,天生一副明星相嘅阿威曾做过龙虎武师,佢直认10几岁做过:「因为屋企问题,我读到中四就离开咗学校,想快啲出嚟做嘢,最锺意𠵱家份工,畀人睇到能力,满足到自己,做每一样嘢都有人欣赏你。」对于盛传有唔少广告商打佢主意,阿威双眼即射向工作人员求助,又紧张到系咁抹汗,然后说:「唔清楚,暂时唔想改变生活住,有机会都想做吓啲旅行、饮食及行山节目,因为平时都有煮饭畀屋企人食。」他自爆偶像系郑中基,最爱睇佢搞笑。当记者要求他唱两句偶像嘅歌时,即怕丑地耍手:「我见网民建议用街市天王嚟撼MIRROR,我觉得几好笑,冇得咁比较,我才能系煮食,唔系唱歌跳舞,至于MIRROR就系明星。」

除下口罩嘅阿威有啲似独立歌手Tyson Yoshi。
除下口罩嘅阿威有啲似独立歌手Tyson Yoshi。
问到浪漫情史,佢更怕丑到滴晒汗唔愿答,要行埋一边除口罩抹汗。
问到浪漫情史,佢更怕丑到滴晒汗唔愿答,要行埋一边除口罩抹汗。

读书唔多胜在勤力

下月8日系阿威嘅36岁生日,生日愿望只求身体健康,疫情快过:「其实应援团默默咁支持我都OK㗎喇。」至于应援团名字,他说有个威字就得,因为个名系属于大家嘅。提到突然多女Fans埋身,本报收到风话呢个「暖男老公」每隔两小时就要同太太报到一次,不过他否认呢个说法:「大家系讲个信字,我一收工会返屋企食饭,唔使报到。」最后阿威以自己经历勉励年青人:「我冇后悔读书少,都系靠自己双手搵食啫,自己胜在够勤力,但最重要识笑,以往都试过因为满身纹身吓亲长辈,好彩和蔼可亲笑容搭够。」

采访当日有唔少威粉埋身。
采访当日有唔少威粉埋身。
阿威系暖男爸爸,返工前会整定餐盒畀家人。
阿威系暖男爸爸,返工前会整定餐盒畀家人。
都煮得有板有眼。
都煮得有板有眼。
有鱼有肉有菜,好丰富咁喎。
有鱼有肉有菜,好丰富咁喎。

 

「威粉」为阿威开咗Fan Page,有万三Fans Join咗。
「威粉」为阿威开咗Fan Page,有万三Fans Join咗。

 

猪肉档旁的女档主识咗阿威好多年,大赞爆红前嘅阿威都系有礼貌嘅靓仔,男档主话阿威戴口罩比唔戴好睇。
猪肉档旁的女档主识咗阿威好多年,大赞爆红前嘅阿威都系有礼貌嘅靓仔,男档主话阿威戴口罩比唔戴好睇。
附近肉档员工话唔怕有竞争,笑言身边个大叔靓仔啲。
附近肉档员工话唔怕有竞争,笑言身边个大叔靓仔啲。

 更多新冠疫情资讯,请到以下专页浏览
(按此
立即下载 | 全新《星岛头条》APP : https://bit.ly/3yLrgYZ

關鍵字

最新回应

關鍵字

相關新聞

热门文章