独家丨王敏奕首谈夫妻相处: Chill啲唔好咁紧张 被罗子溢揽埋墙角互望交足戏
2022-05-06 07:00 
王敏奕（Venus）的社交平台由公司经营，上周因为要重整故删掉跟老公曾国祥（Derek）的合照，即惹嚟婚变传闻，经澄清后，放下心头大石嘅Venus喺新剧《婚后事》外景现场有返啲笑容，她松一口气说：「呢啲传闻真系大吉利是，最好唔好经历咁多！」采访：方骞平 摄影：林建安
传婚变后王敏奕当机立断，除于新剧《婚后事》开镜拜神上同老爷曾志伟一齐否认传闻外，仲马上喺社交网上载咗3张喺健身室自拍照晒幸福，出po话：「我被爱，快乐，幸福，我知道…」
子溢夫妇齐讨论异性
上周三(27日)，Venus于中半山一间书店内同罗子溢拍一场浪漫亲热场口，戏里戏外同样系「人夫」嘅罗子溢，眼见身穿米白色针织外套衬白色贴身小背心嘅Venus拨弄秀发，即受不住诱惑，一手扯Venus埋墙角将佢揽到实，Venus喺子溢怀中轻抚佢条颈，两人再情深拥抱。当日两人表现专业，试咗几次位就正式拍摄，见Venus同罗子溢有讲有笑，心情相当唔错。罗子溢讲返揽Venus场口：「喺我角度系有挑逗性，戏中我都系结咗婚。」
子溢坦言现实中都会「𥄫」女：「对眼用嚟睇嘢嘛！有靓嘢会睇，唔系用色情眼光，话自己唔会『𥄫』女好假。我仲会光明正大同老婆(杨茜尧)讲返，佢唔会嬲，正如佢由细到大锺意金城武，我都觉得佢好靓仔，我哋会用呢种舒服相处方式。」Venus对此就唔太认同，觉得对异性嘅睇法尽量少讲为妙，而佢觉得内在比外表吸引，唔特别欣赏靓仔。
老公谈婚变传闻笑咗
讲到夫妻相处之道，子溢坚持要相敬如宾，喺适当时间畀空间对方；Venus就插口话：「有时空间太多，成日都见唔到。」她否认诈型，强调只系讲吓笑，觉得保持沟通就OK：「我觉得夫妻相处要Chill啲，唔好太紧张，要有共同嗜好多啲一齐玩。」对于突传婚变，Venus坦言吓亲：「真系冇谂过搞到咁大件事，同埋大吉利是咩！吓死呀，呢啲真系要即时去回应，费事没完没了，好彩做访问时有老爷喺度我可以安心啲，我面对呢啲嘢好渣。」问到今次经历有冇增进夫妻感情？Venus即笑说：「我哋一向都好好，呢啲最好唔好经历咁多啦，因为大家都做紧嘢，唔想多重压力要去解画，成件事冇影响到我哋，我哋好多沟通，老公对婚变传闻都系笑吓算。」
更多新冠疫情资讯，请到以下专页浏览（按此）
立即下载｜全新《星岛头条》APP：https://bit.ly/3yLrgYZ
最新回应