独家丨张进翘自导自演MV好Aamazing 包办新歌曲词编监

张进翘去年正式以歌手身份出道，今年推出首支英文歌《QUEST?ONS》，更将艺名Manson改为mansonvibe重新出发。新歌以寻找自我做主题，mansonvibe除包办曲词编监外，还自导自演歌曲MV，他整个过程有灾难，也完成后只感到好Amazing。

采访：杜杜 摄影：沈健程

发型：Jay Yeung @theedge__salonhk

化妆：@deepmakeup

服装：@guernika_jpn @SHINICHIROINUI

场地：The AIR (The ONE) 

英文歌《QUEST?ONS》，由mansonvibe一手包办曲词编监。

 

MV内，mansonvibe有多个造型演出。

mansonvibe指《QUEST?ONS》是他寻找自我之旅，「今次系我掉晒之前啲歌，专登写嘅一首歌，过咗音乐生涯嘅第一年，好有幸可以做到音乐，我想再自问底层啲嘅自己系点。」至于维持原创的英文版推出原因，「系一首由心而发嘅歌，写嘅时候已经系英文，所以就keep住系英文，入面嘅歌词好简单直白，我觉得英文都可以。」

自导自演MV的mansonvibe，连饭盒都要安排，压力好大。

 

mansonvibe邀曾为《造星III》环节编舞而认识的Oscar，在MV晒舞技。

视为考牌作

今次mansonvibe首次包办曲词编监，他视为去年学习后考牌之作，「上年好好彩同到唔同监制合作，亦都喺佢哋身上学到好多唔同做音乐方法，无论系佢哋沟通上或者谂idea上，用啲咩元素令到自己作品更加丰富嘅唔同方法，今年就想将学到嘅嘢，去自己做一个project，而呢只歌系呢个project第一首。」

天公造美，泥滩因猛烈阳光顿变沙漠，确实好amazing！

 

MV好彩有麦曦茵指导，又有Oscar友情演出，令mansonvibe安心不少。

对于自导自演MV，mansonvibe他形容过程有好多灾难事发生，但多得经理人麦曦茵导演鼓励及协助，令灾难最终以Amazing作结，「总结成个做导演经验真系好好玩，当谂到嘅嘢实现到出嚟，甚至有啲谂过但冇讲出嚟，但个天帮你实行咗出嚟，嗰个感觉系好Amazing，譬如今次邀请咗《造星II》嘅Oscar（季军李祉均）帮手，安排咗佢喺好广濶嘅泥滩跳舞，我脑海系有幻想过拍到好似沙漠咁就正，点知嗰日好猛阳光，令泥滩有湿亦有乾，我哋两边都拍咗，成个感觉好Amazing，我谂到一句就系『当你真系渴望一样嘢时，成个宇宙都会联手帮你实现』。」

mansonvibe兴奋透露接了电影配音乐工作，还跟师兄岑珈其一齐合作。

 

去年mansonvibe首支派台作《今天我不想做嘢》，成绩不俗。

 

更多第5波疫情资讯，请到以下专页浏览 （按此）

立即下载 | 全新《星岛头条》APP :https://bit.ly/3yLrgYZ