Juicy叮｜初入职男网民呻被迫与男同事出双入对：同事话我哋一齐

有新入职政府网民在「公务员secrets」社交专页撰文，抱怨被迫跟住同一区的男同事同车寒暄，情况频密到是出双入对，甚至被对方邀约工馀时间外出，结果在办公室惹出是非来，令他不胜其烦向网民求助。

发文者透露，几个月前新加入政府，自从一名上级男同事知道他居住同一区之后，他经常返工都会系港铁站遇见对方，原本对方是迟6至7分钟才回到办公室，「佢会系后面叫住我，然后我就被迫同佢吹住水搭车直到返公司为止，过程大约一个钟。」

男网民对于男同事的贴身追踪不胜其烦。《大叔的爱》截图

发文者坦言，「其实我唔太想用私人时间同同事social，尤其我同佢根本不算熟，年纪又不相近，冇咩好倾，而且我搭车锺意打机同听歌，所以试过几次之后我谂住扮听唔到佢叫我，但佢会行上前拍我膊头讲早晨，所以我本身打紧机都要即刻除低耳机同佢倾计。」

而对方放工走时又会叫住发文者一齐走，持续一段日子之后，发文者已经有少许不悦，于是故意收拾或者去洗手间，打算拖延时间。岂料对方又跟他一样迟走，「我走佢又跟住走，问佢做咩咁迟走既？佢话佢咁岩约咗人交收要迟啲啲。」

有网民建议事主声称约了男朋友推却男同事邀约。《大叔的爱》截图

发文者抱怨，明明只是普通同事，但经常一起搭车返工放工，佢又成日走埋黎我个位同我吹水，又会约我出街，我都已经婉拒咗。而家其他同事已经开始拎我哋黎讲笑，话我哋一齐咗」。

发文者称，男同事畀他年长，任职大约7至8年，工作上算是一个几好的同事，所以不知如何处理，他大感苦恼，「入得政府做都只系想准时返工收工，自己做自己嘢咁，唔系好想social。尤其系返放工时间，真系想静静哋。我应该点样表达畀佢知呢？」。

 

有网民戏称，「你可以唔爱佢，但唔可以唔畀佢爱你，除非佢有过份行为/要求！」；有网民就提议，「你试下朝早，早多半个钟出门。夜晚放工话约咗朋友，逆向搭一个站，先再返屋企。无几耐佢就唔会再搵你。」，有人更大胆建议「话自己约咗男朋友啦」

帖文转载自公务员secrets

立即下载｜全新《星岛头条》APP：https://bit.ly/3yLrgYZ