一蚊Joe推「2D思捷」出场预咗唔见样盼用生命炒热气氛

2022-04-09 11:45

李思捷为保护家中长期病患长者，早前以WFH方式隔空主持TVB游戏节目《思家大战》，帮忙做幕后「推手」、化身「2D思捷」的一蚊Joe（游莨维），虽然成日唔见样，但就好开心自己成功引起网民关注，他受访时说：「其实做得暖场主持都预咗唔会见到自己个样。今次思捷畀呢个任务我，佢都好紧张，仲拍埋片同我讲应该点样做。」他透露拍摄当天一次过录晒三集，由早上10点录至晚上10点半：「每组嘉宾拍之前都要彩排，变相即系全日推咗6次车。嗰 12 个钟真系冇停过咁滞，但又唔算太辛苦！」

用生命炒热气氛

一蚊Joe 感激思捷给予机会，他谦说：「真系开心都嚟唔切！思捷希望个节目有现场观众，所以需要暖场主持带动气氛，佢畀呢个任务我时我应承佢用条命嚟炒热个气氛。」谈到思捷又做主持又做监制，一蚊Joe 坦言从对方身上学到不少东西：「思捷好坚持一定要彩排，台前幕后都需要好清楚节目嘅流程，游戏节目最重要就系唔好NG，因为一NG道气就断咗。」

一蚊 Joe 感激思捷提携做《思家大战》暖场主持。

做幕后「推手」虽然唔多见到样，但佢依然落力做动作搞气氛。

一蚊 Joe 话其实好锺意暖场主持呢个任务。

入行16年的一蚊Joe，又感性指辛苦其实是相对的，他透露曾为剧集《当旺爸爸》扮演焦尸，虽然出镜时间很短，但背后故事却一匹布咁长，他说：「首先用咗两个钟化妆，去到现场导演觉得效果唔够，仲要再加炭粉，啲炭粉入晒耳仔、眼同埋指甲；然后个厂又冻，我净系着短衫短裤。」等埋位等足2小时的一蚊Joe，笑指最终虽然只有两句对白以及拍毕后病倒，但回想起该段经历，还是觉得是过瘾多于辛酸。

仔仔是《Master Joe》捧场客

一蚊Joe在2013年拍摄最后一《问问 Master Joe》，节目最近在周日重播，他指现在岁的囝囝可以重看，感觉好奇妙。他坦言好恨再有机会主持新节目，他说：「以前睇《Master Joe》嘅小朋友都大啦，若然有个节目可以搵番嗰啲小朋友，睇吓佢哋呢一刻做紧啲咩都几过瘾！亦都想同啲小人物做啲深度专访，例如报贩、街边执纸皮嘅婆婆，依家大家都共度紧时艰，每个人都会有自己嘅故事同值得尊重嘅地方，如果大家明白到大家多啲，体谅自然都会多啲。」