独家丨乔宝宝想带乔孙孙返港见亲友 要教识讲广东话

乔宝宝上月带埋妈妈、大仔、新抱及乔孙孙到加拿大温哥华，出席二姐大女婚宴，乔宝宝5兄弟姐妹难得齐集，加上乔家四代同堂，乔妈妈最开心。至于可爱嘅乔孙孙，宝宝笑说：「佢比我受欢迎。」采访：方骞平

一家人出席二姐嫁女婚宴。

乔宝宝话精灵嘅乔孙孙比佢更受欢迎。

乔孙孙好精灵可爱。

乔宝宝有5兄弟姐妹，当中以二姐最好景，二姐夫喺温哥华经营蓝莓、红莓生意，有500亩农地，家有二万多尺，又有佣人，生活无忧，他自嘲说：「二姐虽然年纪比我大一岁，但有钱个样都Keep得好啲，唔似我燶燶地。」

乔宝宝5兄弟姐妹都好孝顺，好锡乔妈妈。

乔宝宝有5兄弟姐妹，当中以二姐最好景。

策划乔妈妈大寿宴

今次由二姐全包宴请一家人玩足一个月。他说：「趁阿妈行得走得带佢睇多啲喜庆事，下次屋企大型gathering应该喺11月22日妈妈80大寿。」他表示南亚人好孝顺父母，老人家年老更加要享福，不会送父母入住老人院。目前乔孙孙六6个月大，乔宝宝会教他学广东话，他强调自己香港出世，广东话系母语，也希望下一代学懂：「小朋友学语言学得快，教晓佢可以陪我睇港产片，𠵱家佢识讲『打打』、『爷爷』。」他指乔孙孙今年8月30日一岁生日，希望到时带佢返港同亲友见面。另宝宝指暂未有人打两爷孙主意拍广告：「佢太细个喇！佢父母想佢专注读书，𠵱家校网都搵埋，两年后会搬去校网好啲嘅地区。阿仔(印度豹)承诺会生两个起三个止，我叫佢趁我行得走得，畀多啲惊喜我。」

乔宝宝策划搞乔妈妈大寿宴。

乔宝宝争取到早上时段凑孙。

大仔印度豹承诺会生够三个。

乔宝宝用广东话跟乔孙孙互动。

 更多第5波疫情资讯，请到以下专页浏览（按此）
立即下载 | 全新《星岛头条》APP : https://bit.ly/3yLrgYZ