独家丨七师傅想煮营养餐畀姜涛养颜 曾于寺庙煮过百人斋菜

前无綫高层余咏珊自组制作公司「好好制作」的头炮，是为香港开电视制作节目《疫境中的餐桌》，搵嚟七师傅（七仙羽）出任嘉宾，七师傅自认厨艺了得，快靓正又好味，她最想煮番茄薯仔营养餐畀MIRROR及ERROR，令他们第二度发育变得更加靓仔。 采访：方骞平 摄影：沈健程

自由身的七师傅帮开电视做节目嘉宾。

七师傅用韭菜花为Ricky及Jacky加持。

《疫境中的餐桌》于本周一晚开始喺香港开电视77台播放，而昨晚及下周一（11日晚）两集就由七师傅跟星级大厨张锦祥（Ricky）及余健志（Jacky）学煮既简便，又零失败嘅番茄炒蛋及黑松露炒蛋意大利包。

七师傅大赞松露酱法包好味。

P图相被赞靓好开心

七师傅早年喺尼泊尔寺庙修行时曾煮过百人份量嘅斋菜畀僧人食，她最擅长煮薯仔。至于最想煮畀边个食？七师傅即说：「之前经常喺电视台见到MIRROR及ERROR，见佢哋早上食即食面，下午食快餐好唔健康，尤其姜涛消化唔好，薯仔帮到消化，番茄又可以养颜。」七师傅自爆日前再见到姜涛，发觉姜涛比前靓仔咗，同埋再长高，可能同佢拍《季前赛》日日打篮球有关，𠵱家高过佢一个头。

日前七师傅同姜涛合照，赞他高咗又靓咗。

七师傅指MIRROR令食唔健康。

 

烹饪功夫了得的七师傅关心ERROR饮食。

 

七师傅早年喺尼泊尔寺庙修行时曾煮过百人份量嘅斋菜畀僧人食。

另外，七师傅喺社交平台放上仙女look相，被赞索爆似黄翠如，她直认系靠美图，而且P得好重手𠻹：「畀自己发吓梦𠱁吓自己开心都好呀！人生就好似发梦咁。」

七师傅开心P图后被赞靓。

每星期七师傅都会做善事，日前于街头派菜。

更多第5波疫情资讯，请到以下专页浏览（按此）
立即下载 | 全新《星岛头条》APP : https://bit.ly/3yLrgYZ