伍咏薇自爆跟老公冇乜性生活直认对亡夫翁江培念念不忘

2022-04-08 10:30

现年53岁的伍咏薇近日接受网上平台节目《月倾会》的访问，首先当然要谈到她最近在TVB新剧《金宵大厦2》的单元《双鱼》中，饰演操控狂阿妈角色，伍姑娘透露为角色刻意减磅，成个人又凹又乾：「我特登跌到去47kg，之后再dehydrate（脱水），拍紧嘅时候唔饮水、唔食嘢再dehydrate，乾住唔上妆！」她又表示绝不介意饰苏皓儿的妈咪。问伍姑娘有否留意现今乐坛？伍姑娘即说：「193（ERROR郭嘉骏）最近嗰只歌都几好听喎！仲有姜涛《蒙着嘴说爱你》嗰啲啦，我觉得佢好勤力罗，我几like佢，如果佢做我个仔，我会教得佢更加好！」她又表示可以跟姜涛合作拍类似西片《毕业生》题材的电影：「姜涛锺意咗我，但我系佢同学嘅阿妈，咁都得！」

谈到与练海棠的婚姻生活，真性情伍姑娘坦言：「性生活少咗好多，因为对咗同一个样20年，你试吓对一个女人20年，靓到李嘉欣咁样呀，都要搵伍咏薇啦！」至于多久一次有性生活？「唔定㗎喎，咁8年都有一次嘅！你问我问题，你理得我点答你啫！」认真抵死！再谈到早年老公曾被拍得和妙龄少女出街，当年伍姑娘选择原谅：「我系冇嬲，我反而第一系谂吓自己，呢件事发生一定有原因，自己有咩问题，有冇问题，大家商讨罗，倾得埋就合，倾唔埋就分手！」

伍咏薇接受老友林柏希的网上节目访问。

直认欣赏姜涛够勤力。

一向大情大性的伍姑娘，在访问中畅所欲言。

直言跟老公练海棠已甚少性生活。

提到亡夫翁江培，伍姑娘说如果当年不是翁江培提议她选亚姐，她很大可能已经行了另一条歪路，绝对有可能会去做舞小姐。伍姑娘形容亡夫是他的明灯，又坦言：「我系挂住你㗎，翁，所以我觉得啲人话我生命里面有咩遗憾，真系阴功呀，咩阴功啫，上天有好多嘢安排晒，我无悔第一段婚姻，因为第一段婚姻，令到我学识好多嘢，同埋系我真爱！」

伍姑娘直认还很挂念亡夫翁江培。

两人婚姻的小风波，反而造就他们更珍惜对方。

后来去到节目环节《大胆答冇胆食》，今次预备了伍姑娘最怕的榴槤，主持林柏希问入行33年的伍姑娘有否遇过令她发脾气的对手，伍姑娘透露有两个，但却没有开名：「两个字，男人，两个！失踪唔到、另一个饮醉！」她又给了四个字提示：「芳华绝代！」给网友猜到哪两位男星。再问伍姑娘最曳做过哪一件事，她坦认中学时曾被踢入三合会，感情上又试过搭上别人老公罗，还不止一个。

伍姑娘参加1989年亚姐，当年冠军翁虹、亚军万绮雯及季军赵静仪，大热的伍姑娘只获「最上镜小姐」。当年有否最不喜欢谁？伍姑娘笑谓：「又系两个字呀！翁虹其实系炒作到我同佢唔啱咋嘛！冇乜特别憎，当时可能憎几嘢咁罗，即系可能觉得你咁样拨吓啲头发，作状，作状到佢；万绮雯『耶』一声咁样，作状，即系呢啲罗！」