袁伟豪连剥三只智慧牙痛到喊 觉得有八级痛老婆笑言:你仲叫我生

剥过牙嘅朋友应该好清楚，剥一只后续有几痛苦，特别系麻醉药过咗，食又食唔到，瞓又瞓唔到，坐唔安瞓唔落，系咪好想睇吓Model示范?有请剥咗三只牙嘅袁伟豪。

当事人上载咗两段片加一排被遗弃的智慧牙相，「人哋话生仔十级痛，我谂我应该有八级，有人见到我辛苦个样就立即Roll 机🎥仲叫我比多两滴眼泪💧okay’下次再到你生仔既时候我知点做。」

见到都惊，拎开佢。

佢好痛苦。

佢好痛苦x1。

忍唔住笑咗。

好惨咁。

唔好喊啦。

好可怜。

只见片中剥完牙嘅袁伟豪喺度呻吟，坐又唔系企又唔系，面露痛苦流晒眼水，坐坐吓又去伏喺墙，精神相当异常。老婆张宝儿边拍边笑，笑佢演技又再升华，唔知佢喊定笑，又唔郁得，袁伟豪对住镜头问知唔知咩叫笑到喊?老婆问佢一至十级痛，剥智慧牙有几痛?佢话七至八级，老婆即刻出声，「咁你仲叫我生，生仔系十级痛呀。」袁伟豪扮听唔到，之后就用粗饮筒吸食流质食物，唔该袁生嘅示范。

系咪笑紧?

用粗饮筒吸流质食物。

呢个样有啲咸湿。

老友胡定欣形容袁伟豪嘅痛苦样系阵痛，姚子羚表示自己都生紧智慧齿，「唔知剥唔剥好，因为间歇痛。」剥咗三只变成智慧牙KOL嘅袁生好权威咁覆对方，「如果开始蛀就要剥啦。」唔知帮唔帮到姚子羚呢?

袁伟豪答得好权威。

更多第5波疫情资讯，请到以下专页浏览按此  

立即下载 | 全新《星岛头条》APP : https://bit.ly/3yLrgYZ