李施嬅唱作《金宵大厦2》插曲 入录音室连环遇怪事要过三关
2022-03-28 20:00 
即将播出的《金宵大厦2》，不论一众电视迷定系各演员都好期待，李施嬅亦因《金宵2》的角色令她有好深刻情感及好大感觉。所以就首次当上作曲人，亦出了个人第一首单曲作品《相爱万年》。她受访时表示：「《相爱万年》首歌系同我表妹一齐写嘅，佢谂住《金宵大厦》第一集嘅爱情故事去创作，而我就谂住《金宵大厦2》。 所以《相爱万年》对我而言不只是一首情歌，亦代表我在《金宵2》入面的片段、情感同渴望，系我投入角色时亲身的感受。
李施嬅自创的歌曲为《金宵2》其中一首插曲，她直言是一份缘份：「《今宵多珍重》呢首经典主题曲，我自己都好锺意，所以冇谂过可以将自己只歌放入剧入面。但写完只歌之后，听到监制原来搵紧一只歌做剧集插曲。我就随意咁哼咗几句畀佢听，点知佢觉得好适合，咁就顺理成章变成剧入面其中一首歌。」
不过， 跟《金宵》有关，似乎都会有好多奇奇怪怪的事情发现，灌录《相爱万年》时也不例外。施嬅续说：「由第一次录音，我因为突然失声而录唔到。到第二次录音，录音室楼上装修所以录唔到。第三次录音，我哋嘅唱片监制Davy 无端端入咗医院，听到都有啲心寒。好彩到第四次终于再冇问题啦，讲笑咁讲，感觉上好似《金宵大厦》喺度试紧我哋嘅诚意，入门要过三关。但好感恩大家都好有心好坚持去做好呢只歌，希望大家可以透过呢首歌而对剧集有更深既感受。」
更多第5波疫情资讯，请到以下专页浏览按此
立即下载 | 全新《星岛头条》APP : https://bit.ly/3yLrgYZ
最新回应