独家丨AK借访问向家人攞批文考牌 Alton主持电单车节目导埋队友

2022-03-24 22:00

MIRROR的AK（江𤒹生）和Alton（王智德）首度合唱歌《REBOUND》的MV，短短两周已逾230万点击。Alton感激兄弟相邀做歌，亦礼上往来邀请对方担任他以电单车为主题的新节目主持，AK大呻跟Tiger已被Alton导出电单车瘾，仲想借《头条》记者把口，希望家人发「批文」让他考牌，真系好鬼Cute！由于疫情影响，访问片段只有声冇画，「生粉」和「蛋白粉」请见谅！采访：杜杜

新歌《REBOUND》，MV短短两周已超过230万点击。

AK去年跟队长Lokman宣传合唱歌《虎道门》时，已向《头条》读者预告将会跟队友再合唱，最终他拣了跟Alton一齐玩，对于《REBOUND》反应好，AK话：「好开心呢首歌喺呢个时候畀到正能量大家。」而Alton觉得好惊喜，「冇谂过会咁犀利，有担心疫情下宣传个力冇咁好，好多谢大家。」

《REBOUND》MV中，AK和Alton大展舞技。

望出《L.A.Trip》能成真
Alton最开心AK由他发办创作，「以往团歌12个人唱，每人只负责一、两句，但今次同AK互相交棒密度篇幅再大啲，同埋AK好好，畀好大自由度我，包括填词、音乐风格上取向、甚至连舞种都好肯听意见，所以我哋都好开心好投入。」AK解释因对Alton口味有信心，「我哋口味都好似，好放心畀佢拣，同埋好欣赏佢写嘅词，好鬼马。」

AK和Alton搵来多位老友客串MV，MIRROR兄弟代表有Lokman和Frankie。

AK同Lokman推出《虎道门》时接受《头条日报》访问，当时Lokman表示最恨跟Alton和阿Dee@ERROR推出合唱歌，Alton听到这提议都好雀跃：「我担心乐坛会有一场腥风血雨，因为我哋三个喺埋一齐呢……。」AK代答：「会好黐线！哈哈！」Alton续说：「我哋掉咗平时嗰一面出嚟嘅话，一定会玩得好癫。」而AK访问当日更为这首「未来之作」预先改好歌名《L.A.Trip》，纪念他们当日在《造星》十强的美国习训之旅，Alton亦好满意，「呢个几好喎！非常OK！」

AK和Lokman去年接受《头条》访问倾到，好期待Lokman跟Alton和阿Dee合作出歌。

AK见证着Lokman跟Alton和阿Dee的L.A.习训之旅。

Lokman跟Alton和阿Dee出名friend，当日更相约参加《造星》。

Alton单拖主持节目
Alton自爆近日忙于拍摄首个单拖主持的综艺节目，「系讲电单车，好多人对电单车有表面嘅认知，但唔了解佢可以创造出嚟嘅生活节奏，呢个节目就系话畀大家知电单车可以咁样玩，当中有一集有AK……。」AK揿都揿唔切：「哎呀！你咁快穿！」既然穿了Alton亦唔卖关子，「有一日我哋去咗一直好想去做嘅活动，但喺团内得我同Lokman有电单车牌，所以顺理成章边个做司机边个做乘客有晒方向，应该系4、5月度出。」

Alton单拖主持的新节目，就以他热爱的电单车做主题。

作为嘉宾的AK亦有话说：「因为呢个节目，Alton同Lokman仲有几个朋友，张继聪佢哋成日都会share一啲电单车嘅嘢，令到我同Tiger都爱上咗电单车，好想去考牌！」Alton笑兄弟：「佢哋喺度互导呀！」AK无奈大呻仲未考牌原因，「我仲未攞到屋企人嘅批文，我好想你写喺报纸度，我系认真㗎！我会好小心揸㗎！」获记者答应写出来，AK开心得如小朋友一样，「唔该晒你呀！」

12子自从去年拍《调教MIRROR》后感情更好，更加想一齐出埠。

恨MIRROR 齐脚出埠
MIRROR成员经常话恨出埠，特别是拍完《调教你MIRROR》后，今次拍节目电单车一日游，已经令两人好开心，现在通关有望，Alton最想去Road Trip，「我同啲兄弟倾过如果有机会喺外国揸车，穿州过省咁去玩，去边度唔重要，最重要系人脚。有机会12个去梗系好，但一定会好嘈罗！哈哈！（记者：费用都好甘？）我哋畀啲信念，相信公司得嘅，公司搵多啲啦！」

Alton成为最后一位MIRROR成员，入围百大美男榜。

AK是MIRROR成员中，第一批入围百大美男榜。

AK谂起可以飞都开心，「同屋企人一齐真系去边都冇所谓，工作性质就好想去日本，然后公司出张咭畀我哋买嘢嚟拍嘢，哈哈！真系好想去嘅地方就系去L.A.，好想同12个兄弟去一次，因为嗰时十强都唔系全部MIRROR嘅人，好想全队去一次感受吓，好似入Camp咁，同埋去得唔会去几日，大家住喺一间屋度相处吓就好啦！（今年有望发生？）我唔知呀！但我成段嘢都系讲畀公司听㗎！哈哈！」