基斯迫孖仔生日扮「雷神」　曾呷醋儿子锺意超人

2022-03-23 01:00

在漫威宇宙中饰演「雷神」的基斯咸士禾夫（Chris Hemsworth）与太太Elsa Pataky育有三名子女，其中一对八岁孖仔日前生日，基斯在ig分享囝囝着上雷神造型的相庆祝，更写上：「儿子八岁生日快乐！如果你问我佢哋可唔可以着雷神以外嘅超级英雄装扮，答案系唔得。」一对孖仔举起雷神锤的样子有点不情不愿。

雷神在电影中好型，可惜囝囝唔多Like。

基斯去年上载儿子扮超人的照片，更扮嬲的瞪着镜头。

原来基斯囝囝心目中的超级英雄并唔系老窦，而系漫威死对头DC的超人，去年基斯亦在网上Po相，当时他怒瞪镜头，更写上：「我问过囝囝佢大个想做边个超级英雄，佢话想做超人，好彩我仲有两个小朋友！」看来佢对囝囝冇兴趣做雷神好冇瘾。

其实唔单止雷神，其他超级英雄都有呢个烦恼，「星爵」基斯柏特（Chris Pratt）的儿子在万圣节当日就一定要扮成美国队长出门；至于「铁甲奇侠」罗拔唐尼（Robert Downey Jr.）就在清谈节目中大爆儿子偶像是「鹰眼」，有一次他教唔掂囝囝时，打电话给「鹰眼」谢洛美维纳（Jeremy Renner），请求他帮手教仔，认真搞笑。