黄建东化身速递员后楼梯食饭 外佣姐姐腔拍二创片抽水

黄建东2011年参加香港先生时，曾获得演艺潜能大奖，就知佢份人够谂头有演技又搞笑，2016年二次创作《PPAP》、2019年再恶搞陈伟霆个讲英文嘅手表广告都曾引起话题。近日全城热话包括一名速递员坐于行人通道旁，以手推车用作饭台并除下口罩食饭，被投诉速递员影响卫生，以及一名外佣姐姐兼YouTuber寸嘴拍片叫雇主关心家中外佣，黄建东都有关注以上热话，今日于其YouTuber频道上载新的二创片。

 

黄建东好有创意，虽然他拍二创片不算高产，但大多都可引起话题。

 

早前有网民投诉速递员喺街边食饭，引起其他网民讨论。

 

呢位工人姐姐兼YouTuber拍片道出打工仔心声。

 

黄建东的新影片以《如果速递员化身外佣姐姐》为题，一开头扮被偷拍在后楼梯食饭，之后对住镜头以外佣姐姐腔诉速递员心声，「你有钱大晒呀？你投诉我？你咁叻咪自己请个速递员罗！请到咩？你试吓！我行到攰呀！日日十几个钟，就系送嘢畀你哋，我只不过搵几多钱呀，几多Money，我咪就系廿几蚊一张单罗！好多咩？廿几蚊好多咩？」又话行到攰见饿买外卖，打算坐后楼梯开餐唔会阻到人，估唔到咁都畀人投诉。仲话速递员都系人，唔系机械人，叫人咁叻自己去搬货啦！

 

 

黄建东话睇完外佣姐姐条片令他好有Feel。

 

黄建东化身速递员后楼梯食饭扮被偷拍。

 

讲嘢仲扮埋外佣姐姐腔。

 

黄建东借二创片讲出好多服务性行业员工的心声，尤其最近疫情令速递员真系好辛苦，应该多多体谅他们，加埋模仿早前外佣姐姐条片嘅说话道出打工仔心声，网民都大赞黄建东条片好笑又跟得上热话。

 

黄建东5年前二次创作《PPAP》的影片有好高点击率。

 

仲试过恶搞陈伟霆个手表广告讲英文。

 

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ