林盛斌搵工人姐姐拍模仿片抽水 叫外佣唔开心要出声

近日网上疯传一段外佣姐姐自拍影片，用流利广东话呼吁雇主要体谅工人姐姐，「你畀钱几多啫，4千几吓嘛，4千几有几多，仲缚你24小时，放假又无得放，仲讲？无话有钱大晒呀吓，你而家试吓搵工人，睇吓搵唔搵到！」由于她拍片的表情好嚣张，因而成为全城热话。原来呢位工人姐姐已在港打工十多年，平时仲经营YouTuber频道，一完成家务就化身一名YouTuber拍片，为同乡讲解雇员权益和防疫知识，又教工人姐姐唔好偷懒，唔识就要问雇主。日前她再拍片回应近日引起话题的影片，表示只希望雇主明白工人姐姐放弃照顾自己家人，离乡别井打工的难处。

 

呢位工人姐姐其实仲系一名YouTuber，日前再拍片回应网上热爆影片。

 

 

而一向对工人姐姐好好嘅林盛斌（Bob），昨日（20日）就找来工人姐姐一起拍片「抽水」，叫工人姐姐模仿近期热爆的印佣。片中Bob的工人姐姐对住镜头寸爆表示：「系，你系老细乜都啱晒，工人系人嚟，唔系机械人呀！你试吓而家请工人，请唔请到？」老世Bob就突然在后面经过问：「做咩呀？」工人姐姐即刻扮惊慌表示：「冇嘢呀！」由于之前每Po出与工人姐姐的合照，都会被网民以为他们是兄妹，这次都专登留言自抽：「你有咩唔开心咪直接同我讲罗……同埋佢唔系我屋企个姐姐嚟㗎，佢系我阿妺嚟㗎，似唔似样呀？」

 

Bob都搵工人姐姐拍片抽水。

 

姐姐个反应好可爱。

 

Bob叫工人姐姐有咩唔开心要出声呀！

 

再自抽同工人姐姐好似样。

 

唔少网民都纷纷留言表示Bob跟工人姐姐真系好似样：「饼印兄妹」、「大镬真系好似样」。除此之外，不少网民都将焦点放在工人姐姐的演技上，大赞她「姐姐好好戏喎」，更推荐她可以加入《爱回家》饰演Liza（姜丽文饰）同乡，相当搞笑。

 

Bob个工人姐姐唔只一次被网民认错系佢个妹。

 

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ