独家丨何超莲抗疫大意摸完口罩又捽眼 返港急购保湿用品

30岁何超莲同33岁窦骁拍拖三年屡传婚讯，最新有月初传超莲奉子成婚，疯传多日，窦骁先发文否认，表示突然收到一堆祝福，直言：「谢谢大家厚爱」。因为疫情，为怕经常要隔离，超莲近年多留在内地工作及陪男友开工。日前抽时间回港即出铜锣湾买护肤品，见超莲手多多成日搞个口罩，搞完又捽眼，小心啲好喎。采访:梁志明
 

何超莲同男友窦骁自公开恋情后经常高调晒恩爱，拍拖好开心唔怕畀人知，所以隔一排就会传两人结婚，超莲回应一两次后都懒理。今年情人节，两人一齐讲住泰文嚟拍片，相当搞笑，期间窦骁又轻抚超莲个头仔，冧到女友笑到眯晒眼。

两人拍拖3年屡传婚讯。

对于又同超莲传结婚，窦骁出PO回应。

本年情人节的泰文放闪PO，佢哋两个好搞笑。

约友行街好倾
眼见疫情严重，向来热心公益的何超莲亦捐出7,000个快速检测包予机构，有爱心又靓的超莲出PO表示略尽绵力及为有需要人士送上心意，同时佢亦为医护打气。不过日前记者撞到超莲同女友人去铜锣湾行街，前者先陪后者去买冻肉，超莲喺店外等候时已经开始搞自己个口罩。

何超莲发布正能量，为有需要人士送上心意。

超莲同友人可能好耐冇见，边行边倾边笑。

超莲等朋友买冻肉时，企喺街已经开始手多多。

忍唔住手多多
买完冻肉，两人就去买三文治，见超莲一去到柜位就有心水，睇嚟系熟客，畀钱时，超莲可能突然鼻痕就拉开口罩去处理，呢啲咁高危嘅行为下次真系咪制呀。买完嘢食再去买护肤品，听到超莲咁同店员讲，「成日要返内地，好冻又好乾。」店员介绍佢用最贵228蚊一支的保湿乳，皮肤质地好，要急救都唔使买超贵又超润的护肤品，不过，惯性摸口罩嘅超莲又忍唔住，今次仲要摸完口罩再捽眼，呀男友真系要提提佢呀。

超莲系三文治店熟客，一去到柜位就已经讲到想买乜嘢。

找数时，超莲已经拉开口罩。

超莲将口罩愈拉愈开，好危险喎。

讲起自己皮肤，超莲手郁郁好激动。

拣护肤品时，超莲表明买返内地用，嗱，佢又摸口罩嘞。

掂完口罩再捽眼，真系要改嘞。

之前超莲接受挑战，上载五年前旧照，好索。

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ