导演陈咏燊要捍卫戏院陈湛文爆资深演员P先生满身酒气开工

2022-03-19 10:00

电影《饭戏攻心》导演陈咏燊和演员陈湛文最近为林柏希网上节目《月倾会》做嘉宾，由黄子华、邓丽欣主演的《饭戏攻心》原为贺岁档，戏院因疫情被逼停开，现上映无期，陈咏燊坚持不会放在其他平台上映：「我哋好想捍卫返戏院，觉得戏院系一个文化嘅殿堂！」而凭《IT狗》男B一角大受欢迎的陈湛文，初尝爆红滋味有何感觉？「我会话系有少少守得云开！因为经历过《三夫》我又唔会期望太大，我本来真系觉得你哋都应该唔记得我㗎啦！」

在「大胆答冇胆食」环节，林柏希预备够晒杀菌的大蒜和指天椒，导演陈咏燊被问合作艺人中边个最好？导演秒答：「子华，一来我系好爱佢啦，佢系我偶像；第二系成个合作过程个默契，好到我前所未有咁好呀！」至于最难顶，「唔开名啦，编剧年代，我嗰阵时拍好多爱情喜剧，好多系年轻偶像，其中有一个，同佢倾戏嘅时候挂住玩啦，拍完又喺度扮晒嘢，其实喺嗰班好红嘅年轻偶像嚟讲，佢系最唔红嗰个！」男星定女星？导演露是男明星：「佢依家偶尔会有一啲新闻㗎，但系都唔会点样出现㗎喇！」但坚持不开名，导演被罚食！

电影《饭戏攻心》导演陈咏燊（左）和演员陈湛文（右）一齐受访。

陈咏燊话子华系最好，但就唔肯开名讲边位演员最难顶。

轮到问陈湛文，他爆曾经遇上一个资深男演员，「嗰个难受唔系对我侮辱，而系觉得佢唔尊重演员呢一份工作，因为佢埋亲位都饮到成身酒气，台词又唔记得，仲要导演叫佢唔好咁做，佢呢头话好、冇问题，嗰头又做返！」陈湛文开估呢一个系P字头男星，「佢本身来自电影，仲要系资深㗎！」如果再拍《三夫》，陈湛文就希望找廖子妤演出，认为她演情欲戏亦能手到拿来。

到两位嘉宾互问，陈湛文不敢答陈果，还是郑保瑞导演较好；而陈咏燊亦不敢开名讲边个导演属低档次，但就直言好憎伪善的戏，「嗰条片系一条噱头片，本土笑片、噱头戏，总之成班后生仔唔知做啲乜，跟住佢最尾夹硬兜嗰种咩热血呀，同某一个历史年代嘅一啲Hero沟埋一齐。我就觉得，你有冇伪善到咁呀！」节目尾声，两位人夫兼人爸各自讲了一番感人说话，陈咏燊直言：「讲个仔会喊㗎喎！」