独家丨吴林峰心愿写歌畀Eason唱 染疫康复后增加创作灵感

唱作歌手吴林峰去年初凭歌曲《乐坛已死》为人认识，今年二月再推出新作《我也难过的》，幸而他完成新歌宣传后才「中招」，可以乘机唞一唞，净化心灵增加创作灵感。吴林峰为自己定下目标，有得写(歌)就尽写，最好train返一日写一歌，最大心愿可以写歌畀陪伴他成长嘅陈奕迅去唱。采访：方骞平 摄影：沈健程 发型化妆：Daphy@daphymakeupp 服装：DIESEL 场地：Tuve Hotel

吴林峰唔畀自己停落嚟，希望创作多啲作品。

其实吴林峰向来好少写情歌，除咗爱情经历唔多，都怕会沉闷，但今次换个角度出发，用真实故事讲出唔开心及怀念过后要学会放下。

《我也难过的》MV找来张纹嘉(Crystal)及其男友林子杰演绎。

畀信心年轻歌手

吴林峰为MIRROR写过歌，问到是否陆续有来？他即说：「多谢佢哋对我嘅信任，我觉得MIRROR唱我啲歌OK，每个作品我都好满意，睇到佢哋付出过嘅努力及尽力，好似阿Jer(柳应廷)嘅《狂人日记》咁，我唱都辛苦啦！所以当日创作大唱反调嘅《乐坛已死》系想燃起火头，希望畀到年轻人一啲信心，乐坛根本冇死过，讲呢句话系不负责任，𠵱家嘅乐坛咪百花齐放罗，以MIRROR为例，成件事系犀利嘅。」

吴林峰大赞MIRROR好厉害。

因为《狂人日记》，吴林峰跟柳应廷成为好友。

另外，早前确诊的吴林峰已康复及复工：「患病初期心情都几低落，既矛盾且复杂，虽然可以休息吓，但有啲歌债未还，心入面都有啲惊，更加唔想自己停低冇得做音乐。」吴林峰冇特别多提确诊后的治疗过程，只说多咗创作灵感，都几估佢唔到。

康复后出关心情舒畅。

他将逆境感受变成创作灵感。

 

因为Eason嘅歌陪佢成长，所以好想作歌畀佢唱。

更多第5波疫情资讯，请到以下专页浏览
(按此 )
立即下载 | 全新《星岛头条》APP : https://bit.ly/3yLrgYZ