林盛斌为被投诉速递员抱不平对方获悉感动多谢各方关心

2022-03-16 13:00

近日新冠肺炎疫情严峻，不少公司机构如港铁的员工也中招，连带影响公司运作，令无中招的员工工作量大增，不胜负荷。有网民昨日在某屋苑的居民联络组的FB专页中，报称见到一名速递员坐于行人通道旁，以手推车用作饭台并除下口罩食饭，该网民斥该速递员影响卫生，又声称已向物业管理公司及保安公司投诉。

林盛斌（Bob）亦有留意这单网上事件，但他却不是认同投诉的网民，而是为该速递员抱不平，他留言：「呢个世界，好多嘢，冇百分百嘅啱定错，但系有一样野（嘢），系最基本嘅，就系包容。呢段日子，对速递行业嘅影响非常之大，因为人手不足好多时一个人要做三个人嘅嘢，一日几万单确诊嘅时候，佢哋仍然辛苦工作，其实我真系好尊重每一位做速递嘅工作人员。」

Bob开腔力撑被投诉在公众地方食饭盒的速递员。

Bob的力撑留言。

有居民在屋苑FB专页投诉，之后被网民截图广传。

而Bob续说：「你估如果佢有得舒舒服服坐喺餐厅入面食嘢，佢会唔会选择坐喺个垃圾桶旁边食呢个饭盒？人哋已经匿喺一个尽量唔影响其他人嘅地方，谂住嗱嗱声扒埋嗰两啖饭就继续送货送件，然后你影咗佢张相放上网谂住公审再去投诉，其实唔可以话你唔啱，你系有你嘅道理嘅，只不过成件事，好冇同理心，好唔善良。」Bob最后谓若果此速递员真的因投诉成立而被解雇，他会第一时间帮对方搵工，而不少圈中好友如袁伟豪、陈敏之、孙慧雪、吴若希及陈自瑶等皆留言支持。Bob回覆《头条娱乐》时表示：「其实我喺网上见到呢件事，我自己觉得好伤心，因为呢啲只系好基本嘅同情心，但系原来有啲人真系冇。如果因为呢件事佢真系冇咗份工，当然我能力范围内系可以安排到一啲工作俾佢做，但最感动嘅系，我出完个post之后收到好多朋友嘅message，话可以随时帮忙畀工作佢，亦都有佢嘅同事留言畀我，话佢都睇到，好多谢大家嘅关心。」