独家丨唐安麒收购同业店铺助渡难关 疫情令生意损失过千万

唐安麒（Angel）除了打理旗下10多间美容院外，对慈善工作更加不遗馀力，在疫情下她出钱出力亲自筹集物资兼落区派发，早前她就联同旗下模特儿Kylie C.（郑杞瑶），到茶果岭派发快速检测包，她坦言不忍心香港变成这样，希望出一分力带正能量给大家。而面对美容院被迫停业多月，损失过千万的她更打算收购同业店铺助渡难关。

采访：杜淑霞

Angel和饮食业才俊黄浩诚捐赠快速检测包。

由疫情爆发初期， Angel已亲自将韩国订到的口罩派给露宿者，到现在第5波疫情，她仍坚持亲身去做，「无可否认有好多人唔系好愿意出嚟做，呢排日日都几万（确诊），好多人都惊唔系好想出嚟，但系冇可能惊就唔做罗！唔惊得咁多，呢段时间我好想做多啲嘢帮返香港人，好唔忍心香港变成咁。」

Angel出钱出力亲自搬货，带Kylie C.去茶果岭做义工。

感受巿民困苦

日前Angel联同Kylie C.去茶果岭做义工，「呢次主要系派快速测试包，帮佢哋全村做测试，等佢哋安全啲。今次带埋Kylie C.去，佢系啲番书妹嚟，等佢睇吓香港嘅情况，了解吓呢个世界。」这次经历令Angel，更清楚巿民困苦之处，「呢啲20几蚊嘅测试包，对于佢哋嚟讲系非常重要，尤其是一啲要返工嘅低收入户，公司就要佢哋测，但系又唔会提供畀佢哋，唔测就唔可以返工，即系玩人咩！佢哋又唔赚得几多钱，打工之嘛！所以希望可以帮到佢哋，等佢哋可以顺利返工。」

Kylie C.亦有帮手分发物资。

身为美容集团主席的Angel，也一样遇到经营困难，第5波疫情已令她损失过千万，「真系觉得好多嘢好唔公平，政府都唔止一次，而呢次咁多个月喎！起码有成4个月完全唔畀我哋做，我哋所有嘅租要交，啲伙计被迫要放冇薪假，梗系好辛苦！我做咗呢行30几年，我经历过金融风暴、金融海啸同沙士，绝对知点样去过渡，我自己有准备，但最近做咗好多嘢帮啲同业，教佢哋点样去过渡，或者有啲佢哋真系自己搞唔掂，我就会收购佢哋，希望佢哋继续有生存空间。」

Angel旗下美容院有10间分店，另外跟韩国人合资品牌亦有3间店铺。

更多第5波疫情资讯，请到以下专页浏览按此https://bit.ly/3JqiBzz

立即下载 | 全新《星岛头条》APP :https://bit.ly/3yLrgYZ