林盛斌投诉被子女集体欺凌玩「天下太平」游戏成攻击对象

2022-03-15 07:30

林盛斌(Bob)最近一家六口搬屋，搬离住咗3年、被C君形容「大过地球」嘅九龙塘四层旧屋，搬进附近一间豪宅，除咗新屋风水好，仲可以畀更多空间子女。见于疫情下大家都留家抗疫，Bob就多咗时间陪伴子女，多咗亲子时间，佢仲教子女玩童年时简单游戏「天下太平」，不过，好多网民对呢个咁old school嘅游戏话唔记得，甚至唔识玩。

步入少女阶段嘅大女霏霏唔锺意出镜。

Bob三个千金相亲相爱

4子女行动一致。

噚日阿Bob喺社交网贴上游戏纸，「投诉」话：「同佢哋(子女)玩『天下太平』系完全冇意思嘅，根本成件事就系集体欺凌我………」只见子女枪头一致指向呢位慈父，网民留言「硬食啦」、「他们有共同目标爸爸」、「共同歼灭敌人」、「有时会畀小朋友赢晒等佢哋开心」、「赢输无问题只系过程中教育同感受简单游戏系幸福」、「你咁大只怕咩欺凌呀，佢哋唔欺凌你咪又唔胶兴」。至于前E-Kids成员林咏伦(Alan)取笑他变成一条可怜嘅希灵鱼。