独家丨冼靖峰最爱冲凉搞创作经历惨痛教训学识做人

2022-03-13 22:00

「声梦」冼靖峰（Archie）早前推出首支个人单曲《一个人的幸福》，推出一个月已过100万点击，成绩理想，不过原来由录音开始，他已遇到不少困难。一向有创作习惯的他，也有想过新歌用自己作品，但最后都是没有自信，但他却自爆最爱在冲凉时搞创作，但却惨被家人投诉。他又承认早前失言风波是个惨痛教训，但令他学识警惕言行做人。采访：杜淑霞摄影：叶君海发型：Hugo Poon@iiAlchemy

Archie除了「冲凉作」，临瞓时也特别多灵感，试过因而搞到失眠。

最初收到《一个人的幸福》Demo时，Archie本来好开心，因为班底好犀利，但看到歌词时就有点担心，「唔系好理解，后来打电话问作词人游思行，原来佢系写我嘅成长经历。」但到录歌时，他又再遇到难题，「以前多数比赛系唱Live，唱人哋嘅歌，真系未试过喺录音室，录一首完整自己嘅歌，系好机会学习由Live转去录音室嘅唱法，真系好唔同，但好开心伍卓贤（作曲兼监制）大师一路睇住我，譬如有啲唱法Live OK，但录音咁唱可能会腻，佢纠正咗我一路以嚟对唱法上误解，学到嘅嘢可以带返去唱现场，令我唱现场更稳阵。」他更将经验放落之后录《青春本我》等歌曲上。

新歌《一个人的幸运》推出一个月，已获得过100万点击。

新歌MV中，Archie演绎为体验生活到货仓做搬运的大学生。

人生非顺风顺水

出道以来都是跟「声梦」学员一齐工作，今次要单独面对，Archie最初觉得很不惯，「由录音开始都系自己一个，突然间成个世界冇咗好多学员支持自己，但系终有一日要长大，要学识点样自己去面对困难，系个过程嚟。」而他觉得最困难是宣传方面，「讲关于首歌嘅嘢，同一番说话讲好多次，但系可能好多观众或者Fans听咗过晒，点样令到佢哋觉得唔闷，或者用唔同切入点去讲同一个概念，呢个系比较难，系一门学问，唔想好似背稿咁。」

Archie「冲凉作」的制成品之一，就是剧集《青春本我》中的《兄弟帮》部份旋律。

多才多艺的Archie，识弹琴唱歌，也爱创作。

新歌讲成长经历，Archie在别人眼中是幸运儿，家庭背景不俗，学业成绩亦优异，现在更梦想成真当上歌手，绝对是人生胜利组，他承认生命中好彩遇到不少贵人，「我接触到嘅人或者事，都对我好好，我有好多贵人帮助，无论唱歌定系工作、读书，真系有好多人愿意帮我，虽然未必好容易达到目标，但起码知条路点样行先达到，佢哋会话畀我听会遇到啲咩困难，叫我唔好去踩嗰啲陷阱。」但他坦承表面看似顺风顺水，不过亦有迷失时，就算明知自己热爱唱歌，也会质疑自己选择，「我好锺意唱歌，好锺意喺呢行业发展，一路以嚟嘅尝试同挑战都好开心，但乜嘢为之真正锺意，我会问返自己，系唔系唱紧歌时好开心就系锺意，点解唱歌会开心？会问自己好多问题，呢啲嘢外人未必会明白，唔会知我内在有咁多疑问。」

Archie早前在直播上一度失言，备受外界批评。

Archie为失言事件，发声明公开道歉。

浴室变音乐工作室

不过讲到人生最大挫折之一，肯定早前在直播时失言，一句「沙士死剩种」，令他后悔莫及，成为人生一次惨痛教训，「当时真系唔够成熟，讲咗一啲唔好嘅说话，将唔好嘅说话去开玩笑，系个好大挫折，亦系个好大教训，经一事长一智，除咗向前看外，呢个大教训畀自己好大警惕，要小心说话，小心做事，小心做人。我哋系公众人物，一言一行一定会被放到好大，自己真系要好好攞呢个教训，警惕住自己以后嘅路。」他坦言情绪有受事件影响，但认为对自己是好事，「真系有好多负面情绪，一下子真系会负荷唔嚟，但系事后会睇返其实呢种负面情绪系好，畀自己一个教训，冇呢种咁大教训，自己唔会真系成长，唔会真系警惕，系以后行为一个借镜，留意返自己言行，对自己言行负责任，呢个教训系值得。」

Archie为宣传新歌，接受Do姐电台节目访问。

小时候肥嘟嘟，已经算是Archie的黑历史。

Archie参加《声梦传奇》便入行，一直没想过要成为怎样的歌手，直至推出新歌正式出道，才认真思考这个问题，「自己想做一个唱得到唔同曲风嘅歌手，或者谂起我就会谂起某种曲风，我就会好开心。」首支派台单曲Archie虽然没自信用自己作品，但仍会坚持不断创作，希望有朝一日能推出自家歌曲。爱在平日生活中搵灵感创作的他，更自爆冲凉及临瞓前思潮最澎湃，「冲凉时可能有啲水冲住，水声又阻隔咗其他声，感觉好似进入咗另一个空间咁。」为了录低创作旋律，Archie专登攞埋电话入浴室，但浴室变音乐工作室的代价，就是被家人狂投诉，「通常我会搞一段时间，但会发觉嘥水就关水喉企喺度，有时真系会冲好耐，屋企人都会投诉我，佢哋唔知我喺里面搞紧乜，又唔系开住水冲紧凉喎！」而「冲凉作」已有制成品，就是剧集《青春本我》中的歌曲《兄弟帮》部份旋律。