独家丨韩亚光新冠康复出关疯狂shopping 死过翻生𠱁目己开心

2022-03-12 12:00

第5波疫情严峻，唔少圈中人都中招。韩亚光（Fire 前名韩光亮）上月亦不明源头下确诊，病咗足足两周。染病期间辛苦到无命，腰酸背痛外，仲喉咙剧痛、发烧发冷。今次患病体验，令佢更重视健康，唔敢再夜瞓，同埋真系要珍惜眼前人。

韩亚光患病时辛苦到死，冇晒动力日日夜夜都系瞓。

出关即往名店购物。

限量版包包刻咗韩亚光个英文名简写。

韩亚光话：「人生无常，好多时计划赶不上预期，今次受感染冇咗韩国品牌广告，痛失咗六位数字，所以𠵱家要及时行乐，对自己好啲。」Fire病愈出关后第一时间去咗名店shopping，豪花近十万分别购下价值6万蚊嘅限量版盒子袋及2万8嘅新款袋，然后再进攻果栏狂扫水果，直言抗疫疲劳，要𠱁吓自己开心，当系奖励过去付出嘅努力。问到周围去，唔怕再中招？佢强调做好防疫，除勤洗手，还会戴帽。Fire又透露待休息多一段时间，就会进行新歌录音及拍摄MV，今年绝不松懈。