乔宝宝教孙仔广东话六个月大乔孙孙一学就识好醒目

2022-03-11 12:00

疫情下好多演出工作都停晒，定居苏格兰嘅乔宝宝索性凑孙为乐，最近他同家人去咗加拿大温哥华旅行，旅行期间不忘同乔孙孙互动，喺𠱁小朋友玩嘅过程乘机教佢听及讲广东话。

六个月大乔孙孙好可爱。

疫情下宝宝凑孙为乐。

有个咁得意嘅孙仔，乔宝宝同乔嫂嫂不愁寂寞。

51岁乔宝宝系印度裔香港人，喺香港土生土长，识得讲流利广东话，大仔「印度豹」都识少少。片中乔宝宝全程用广东话跟乔孙孙沟通，叫乔孙孙：「唔好扭计、过嚟锡爷爷、咀嘴呀！你锺唔锺意爷爷？锺意爷爷就拍手手…」点知孙仔竟将对手放咗入口，乔宝宝即耐心地更正：「拍手手啦！乖喇！即系唔锺意爷爷啦？咁样唔算数，唔系要将只手摆落个口，系要拍手手，爷爷咪教过你㗎…」快将7个月嘅乔孙孙好快就听得懂，而且拍起手手来，𠱁得乔宝宝欢呼大笑，猛赞乖喇！乖喇！醒目仔乔孙孙眼大大、白雪雪深得网民喜爱，大赞乔孙孙唔止靓仔仲精灵可爱，十分叻仔。