独家丨胡慧冲拍外景不忘为港人祈福 超支制作《冲游泰国7》划完美句号

去年「泰国通」胡慧冲(Roger)喺疫境下拍咗《疫后冲游》，带出疫情后泰国嘅最新资讯成为《冲游泰国6》的重点，最近拍紧嘅《冲游泰国7》除咗介绍返曼谷、布吉、清迈、芭堤雅旅游资讯外，仲暗藏当地抗疫及当地人艰苦经营情况。今次Roger仲懂得「自肥」，安排咗3位美女及一位小鲜肉陪伴演出。采访：方骞平

胡慧冲及邝玲玲喺芭堤雅一个鸟巢上食饭，环境舒适。

两人去到一个以雪糕甜品作为主题嘅打卡乐园取景。

为咗增加新鲜感，今次会加入泰国新主持，每个地方安排唔同嘅拍档上阵，除咗唔少得32C冬荫妹及「布吉妹李嘉欣」继续晒身材外，仲会加入港泰混血儿「叉烧姐」邝玲玲：「虽然佢身材唔够冬荫妹及布吉妹咁澎湃，唔会有游水镜头，最多只系着住小背心浸住水食早餐，但胜在懂得讲广东话，能互相交流而且几靓女，咁样多嘢玩好多，当中亦会教讲泰文及讲吓泰国冷知识。」

32C冬荫妹都会继续喺呢辑节目中晒身材。

今次仍然有布吉妹助阵晒身材。

芭堤雅一间以美人鱼作为主题嘅餐厅，有个大公仔头竟然跟「叉烧姐」撞样。

留美好回忆

由于J2台变得更年青化，Roger坦承第七辑《冲游泰国》好有可能系最后一辑，之后唔排除会换个新形式合作：「因为对呢个节目好有感情，我如同当年梅艳芳知道自己可能系最后一次踏上舞台表演咁，点辛苦都要好头好尾令自己有个美好回忆，今次甚至超支，做多首新插曲。」

新一辑节目，Roger加入港泰混血儿「叉烧姐」邝玲玲。

对于疫情下周围去拍嘢，Roger坚持自求多福：「泰国疫情数字算系严重嘅，但大家都习以为常，个个乐观面对，生活如常，相反香港情况仲惨，哀鸿遍野。之前我喺曼谷一间佛寺不忘为港人祈福，希望疫情尽快过去，香港唔好咁惨啦，当日喺泰国见到嘅医院、殓房等画面竟然喺香港出现，见到都好心伤。」

Roger喺曼谷一间佛寺附近取景，他不忘为港人祈福。

除带出旅游资讯，新一辑仲加入生活小贴士。

胡慧冲二月生日，去咗香港制作人杨绍鸿喺泰国嘅屋企食住家饭庆祝。

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ