独家丨泳儿望有机会挑战演反派苦尽甘来再攞叱咤奖

2022-03-04 22:00

泳儿凭歌曲《荆棘海》，年初首夺「叱咤十大」，领奖时全程爆喊，她承认因从没预计再有机会得奖，更直言有种苦尽甘来感觉。而她最近推出大碟《Dark Light Of The Soul》，除了收录了《荆棘海》外，还有这3年制作的暗黑风歌曲，她坦言得奖后对今次大碟及未来制作歌曲更有信心，而今年除做音乐外，最想挑战演变态角色。采访：杜淑霞摄影：叶君海发型：Zivyeunghair@leonardo3 化妆：Cyrus Lee 服装：Ports Pure 场地：PHENOMENON WINE • DINE

泳儿原来一直苦等机会，希望有机会发挥演技。

叱咤颁奖一刻，泳儿未上台领奖已哭成泪人。

泳儿在《叱咤》攞奖时很大感触，因太耐冇机会上过这颁奖台，「出道嗰年上过后一直都冇机会，真系有种苦尽甘来感觉，同埋冇预计过仲有机会上台，因为好似愈嚟愈难，得10只歌，其实系一件唔容易嘅事。」她承认得奖令信心大增，「系好大嘅肯定，对于我或者团队嚟讲系支好大强心针，我哋3年前做呢个计划，冇谂住啲奖项嚟做，只系希望事业上有个突破或者转机。」得奬亦令她对新碟更加有信心，「要令人去拥有一只实体碟，只碟嘅概念好紧要，今次我哋真系花咗好多心思，希望大家当系一个收藏。」

泳儿最近推出大碟《Dark Light Of The Soul》。

泳儿到唱片铺宣布新碟，获歌迷到场支持。

朝住勇字试新嘢

这3年的制作过程，亦令泳儿学识勇敢表达自己，「做歌手𠵱家唔系净系唱歌，都要有好多自己谂法，将好多感受摆落去作品里面，作品先至系属于你，先可以同人有共鸣，我以前啲歌都好听，但自己冇办法好投入，所以同观众连系唔到。」泳儿认为去年音乐上是丰收一年，展望新一年她会继续朝住个勇字去试新嘢，最想挑战演戏，「有咗呢个奖项同大家认同，畀咗好多信心我去继续创造啲新嘢，亦都吸纳咗班新粉丝，佢哋好愿意去接受我做啲新嘢。我成日都想试吓去做戏，唔系话突然间要变做演员，但再涉猎一样嘢，会令我对呢个工作、人生或者对呢个世界个视嘢再阔啲。」角色方面她也想有新突破，「想做反派，唔要再做啲畀人虾，可以性格复杂啲，我以前客串过啲电影，角色都系比较柔弱或者做返自己，好想做啲同我好唔一样，最好系颠覆大家对我印象，做啲变态或者杀手都OK㗎！」