独家丨黄浩然家有爱睇书的囝囝一家四口分批书店拣书

2022-03-03 22:30

因为第5波疫情超严峻，政府进一步收紧社交距离措施，有关公众地方群组聚集的人数限制由四人减至两人，一家四口出街食Lunch都要分两枱。日前，黄浩然夫妇同两个囝囝10岁Kayden及8岁Ransley去铜锣湾诚品睇书，一家四口冇企埋一齐，全程玩孖咇，两个仔或两公婆，一系老婆同大仔。采访:梁志明

TVB热播中的剧集《家族荣耀》中都见到黄浩然，佢饰演二少爷马耀祖，出轨又衰格，成日要饰演老婆甄芯嘅杨茜尧执手尾，获网友封「渣男」。最新一集中，佢认定杨茜尧害死二奶及私生女而嬲爆，但想发脾气大闹之前炒车身亡。对于贵为男主角之一嘅黄浩然咁快玩完，观众都觉得好吊瘾。

《家族荣耀》中的马耀祖已车祸身亡。

两个大人对书本冇乜兴趣
日前下午，黄浩然老婆同两个仔现身铜锣湾，三人上咗希慎诚品睇书，两位小朋友冇四围走，真系好认真拣书嚟睇，主力睇帮助小朋友培养阅读力嘅桥梁书，如《小小纸箱工程师》及《小火龙大赛车》等，而妈妈就企埋一边揿电话，隔咗冇耐黄浩然现身，两个大人挂住揿电话，半页书都冇揭过，而两个小朋友就系咁睇，一家之主逗留十多分钟同老婆透露已订枱食午餐，老婆就催促囝囝拣书再去埋单。