独家丨俄仔Ansheles心系乌克兰亲友几经困难终得知众人暂安全

2022-02-25 18:00

俄罗斯总统普京昨日（24日）宣布对乌克兰采取「特别军事行动」，多次向当地发动攻击，令不少士兵及平民伤亡。在港发展的「俄仔」 Ansheles因此也受到牵连，不断受到网民私讯诅咒，他昨日在IG限时动态以黑底白字留言：「我嘅小家族入面有一半系住喺乌克兰，睇到今日发生嘅事好难会唔担心难过。嘅（既）要活喺现实世界嘅冲突当中，又要为非我控制嘅事而面对网络欺凌，实在让人觉得无处可逃。」

有指Ansheles早前已返回俄罗斯，目前正身在家乡，《头条娱乐》今日联络上Ansheles，他未有透露身在何处，只说：「噚日发生件事，我即刻联络佢哋，嗰边系我老豆嘅家人，虽然我同老豆冇联络10几年，但我同佢嘅家人关系都好好，因为老豆系乌克兰人，细个时会去嗰度住吓，过几个月咁。佢哋听到不停巨响，立即就走去地下嘅地方，嗰度安全啲。虽然联络上有困难，但都联络得好快，我都有留意新闻，可以留意住佢哋嘅安全。」Ansheles又透露家人已有几晚没睡觉，因为不时有不同声响，令他们很紧张及失眠，而其中一件事最令他担心，是他Cousin之前曾从事军方工作，因此对方的安全最令他挂心。

昨日Ansheles在IG留言指担心在乌克兰的亲友。

同时亦有网民支持Ansheles。

Ansheles贴文后获不少网民留言支持及祝福佢：「俄仔，根本打仗呢件事唔关你事，系普京、政府既错，我唔会怪你，爱你俄仔，祝好人一生平安、「不用理会嗰啲无理取闹嘅人祝福你嘅屋企人平安。」及「又唔系你发动战争 , 都唔知关你咩事 , 唔使理班白痴 , 希望当地同附近嘅人都无事啦。」等。现年27岁的他曾主持ViuTV节目《返归啦俄仔》，还有主持儿童节目《快乐童盟》。