独家丨Jeremy自爆首录Solo歌前失眠操肌练歌半年变自信仔

2022-02-24 21:00

Jeremy（李骏杰）近日成为MIRROR当中，第7位推出Solo歌的镜仔，新歌《半》大玩暗黑妖媚，Jeremy坦承去年演唱会后，更认定这是未来风格。出道3年多，终等到单飞机会，Jeremy形容心情既兴奋又紧张，承认去一度错失Solo好失落，但回想反而今年是最好时机，因花了半年时间狂操肌和练歌，自信大增，希望以最好的Jeremy跟「Unicorns」（粉丝名称）和乐迷见面。采访：杜杜场地：212 studio

Jeremy承认为去年错失单飞机会，一度不开心及失落。

Jeremy花了很多时间和心思，为单飞作准备。

Jeremy去年在演唱会期间得知有Solo机会，第一时间跟兄弟分享喜悦，「第一时间梗系开心，收到通知系喺演唱会中途，好开心话晒畀啲兄弟知，大家好戥我开心，之后就好紧张，会谂自己要成为一个点样嘅Artist，想表达咩讯息畀大家，谂咗好耐，中途好多人帮我搵到答案。」花姐曾在《调教你MIRROR》讲过，因Jeremy歌艺及身形未够好而未能单飞，所以他得知可Solo后，亦有针对这两方面做准备，「花姐讲嗰啲问题，旧年都有逐一击破，加强去学唱歌，亦有Keep住做Gym，起码𠵱家身形唔系以前咁瘦咁薄弱，但演唱会时压力太大再瘦几kg，好彩𠵱家肥返。」

《调教你MIRROR》时，花姐曾透露Jeremy歌艺和身形未够好。

去年演唱会Jeremy跟现在相差几kg，现在已大只不少。

工作量减靠宅捱过

花姐去年接受《头条》访问时，曾表示本来安排Jeremy去年单飞，但最终觉得他未Ready加上其他因素而取消安排，令Jeremy相当失望，重提此事Jeremy反而认为现在时机更适合，「当刻知道个机会失去咗，当然有啲唔开心，我𠵱家睇返，嗰个机会失去咗系啱，应该系话上年唔系个啱Timing，今年系比较啱，因为上年连自己都冇自信可以出Solo，相信件事都唔会做得好好，透过上年学习了解多啲自己，去学唱歌练好啲技巧，身形方面有改善，今年嘅自己系更加有自信去做Solo，成件事会更加顺利。」当时花姐亦提到因疫情工作量大减，有MIRROR成员甚至连搭车去Rehearsal都冇钱，但悭家的Jeremy未受影响，「经济压力我又唔系觉得好大，平时开支比较细，冇工作就喺屋企冇乜太大消费，就算𠵱家多咗Job都系路费多咗，所以嗰时OK可以顶到。」

Jeremy针对花姐所讲的弱点，去年努力花时间改进。

疫情工作量大减，Jeremy坦言除了出活动，主要宅在家悭钱。

Jeremy新歌《半》讲每件事或每个人都一样有两面，要了解清楚自己，才会做到想成为的人，才能做到自己想做的事。这正好反映Jeremy，缺乏自信的同时，但偏偏爱上表演，看似矛盾，但只要了解清楚自己，就可以行上期待的歌手路。「其实我成日怀疑自己，由细到大唔系太有自信，但好奇怪我又好锺意呢行喎！哈哈！好锺意唱歌跳舞，个人好矛盾。我以前真系好冇自信，对身形样貌所有嘢，同埋好介意人哋讲嘅嘢同埋睇法，对自己认知都系透过人哋，从来冇真正了解过自己，由出道呢几年对自己嘅了解同探索，清楚了解自己后，发觉自信唔系嚟自于人哋系嚟自于自己，令我多咗自信去做锺意做嘅音乐、表演，同做MIRROR嘅成员。」　

新歌《半》，Jeremy大玩暗黑妖媚，这个亦是他未来歌手风格。

去年MIRROR演唱会，Jeremy演绎《Monster》奠定了今日形象。

演唱会奠定妖媚路

首次单飞的Jeremy，选择走黑暗中带点妖媚路线，他坦承受去年MIRROR演唱会演绎《Monster》影响，令他更坚信未来要行路线，「我自己想成为一个风格独特，同埋令到人一听到呢个风格就会谂起我嘅歌手，风格系黑暗啲、妖啲、霸气啲嘅感觉，同我平时嘅自己好唔同。《半》其实同演唱会《Monster》风格差唔多，呢个风格令到大家更加记得我，作为第一首派台Solo歌，都想令大家impress，一眼就知我系点样嘅人，好多人知MIRROR，但可能未系好清楚我系点样，希望透过呢首歌可以话畀大家知。上次演唱会畀咗好大信心我，更加坚定自己可以做呢样嘢，但其实一开始做嘅时候，我系不停怀疑自己，咁样做大家锺唔锺意同接唔接受呢？脑入面成日都有呢啲谂法，但MIRROR出道呢3年嘅经历，令我更加坚定做呢样嘢会令到大家锺意。」

Jeremy对初次画夸张眼线加油指甲油，感觉好新鲜。

《半》MV搵来首次跟Jeremy合作的廖子妤任女主角。

紧张自己第一次，令Jeremy录歌前搞到失眠，「本身call time系12点，但系我8点钟就醒咗，中途隔两个钟就醒一次，完全瞓唔到觉，又早咗半个钟去到录音室，去到时状态唔系几好，一路都捉唔到嗰个感觉，到第2次Carl叔叔（监制王双骏）畀咗好多信心同埋唔同嘅建议我，令我可以入到戏，慢慢就进入到个状态。录MIRROR啲歌，1个section就录完，今次呢首录咗3个section，要成首歌唱晒，冇咗人分担原来真系会有啲唔惯，自己孭起成件事又觉得好新鲜好神奇。」