张继聪冒寒冒雨连跑两日 共跑25K招积表示好EASY

张继聪好锺意跑步，锺意嘅程度系几忙都跑，几冻都跑，落雨都跑。前日佢放假，家住大埔嘅佢冒住7度加落雨嘅极寒气温下，一早起身去跑步，仲决定跑15K，佢话:「有少少惊，两只脚变咗雪条咁，好鬼冻，黐线㗎。」

得七度照跑。

跑完两公里，张继聪个身开始暖。

阿聪话自己冻到僵咗。

 

跑完两公里，张继聪个身开始暖，到跑咗8公里开始返转头，仲跑住话「面不改容，EASY，点解面不改容?因为冻到僵咗。」跑完仲叫大家个心保持正面，祝大家身体健康，平平安安。

第二日佢又出发，虽然冇咁冻又无落雨，但一早出门都系好寒，佢出PO表示：「知唔知咩人最可怕？系自律嘅人😏人哋眼中嘅疯狂系我嘅生活日常。」连柳俊江都留言话佢：「师兄，扯到条curve咁高，人哋跟唔到㗎⋯」开始起行，佢仲冇戴手套，话只手裸跑，之后边跑边解构自己跑开嘅一段路，话有段路好多水0氹，啲车一行过就GG，话咁快跑完，阿聪好招积作总结：「夕阳无限好，咁就跑10K，YEAH。」

 

冇落雨已经争好远。

话呢段路好多水0氹，啲车一行过就GG。

跑到好爽。

阿聪话咁快就跑完10K。

之前同大仔一齐跑。

阿聪及老婆齐拍摄ERROR新歌《爱情值日生》MV。

张继聪近日同姜涛拍摄ViuTV新剧《季前赛》。

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ