Juicy叮｜饭盒递车窗交收当外卖 网民呻「中伏」烧味饭32元变44元

本港第5波疫情确诊数字高处未算高，社交限制措施收紧晚上无堂食，加上近日天气又湿又冻，市民大多不愿出门，宁叫外卖。其中有网民在社交大呻「中伏」，只要求店员将饭盒递到车窗交收，都当成外卖，一盒烧味饭32元变44元，相差12元，令人咋舌。嬲爆话无下次！

该名网民上周六（19日）在社交网facebook「中伏饮食报料区」指，当日下著大雨驾车到平日有叫开外卖的葵兴一家餐厅购买32元的烧味饭，因为无雨伞不想下车湿身，于是问收银阿姐能否将饭盒递到其座驾的车窗旁交收，当时阿姐话；「当然可以无所谓」。楼主又强调「间铺门口有檐蓬，递岀门口嗰夥计系唔会湿身」。

不过，3分钟后她接到阿姐再打电话来，话：「老细话递出门口都算系送外卖」，盒饭需由自取价32元变成外卖价44元。店主的规定令她十分不满：「只系递出嚟都算系送外卖？唔系嘛！我平时帮衬开佢外卖都无讲过要收钱，加幅近四成，而家咁样无故滥收人钱公道吗？超无奈！离晒谱！盒饭唔要喇！烧味老细你自己食埋佢啦！无下次唔会再帮衬！」。

帖文一出，引起网民热议，有人认同楼主，「间铺唔啱啦，拎一拎出门口行两步要收多人10几蚊，离晒谱」,「公道啲讲，你要收$44唔系问题，一早讲明，咁咪落车拎」。

亦有人认为，「帮你系人情，唔帮你系道理。个檐篷如果遮到阿姐咁即系一样遮到你啦」；若不满餐厅收取外卖费用大可自行落车取餐；「个个都咁做，啊姐都几唔得闲。」

立即下载｜全新《星岛头条》APP：https://bit.ly/3yLrgYZ