独家丨张伟文栖身医院户外帐篷十小时终送房 方俊感触：有生离死别感觉

69岁「靓声王」张伟文喺太子一间安老院舍受感染，昨日初步确诊新冠肺炎，昨晨被送往广华医院，但直至傍晚仍然未接获院方进一步消息，加上张伟文举目无亲，兼且行动不便，又患上脑退化症不善表达，经理人兼监护人方俊(Aman)既担心又焦虑，昨晚六时多决定走进高危嘅医院去「寻亲」。

几经辛苦张伟文和方俊终于喺医院见到面。

跟方俊相见一刻，张伟文心情都好激动。

医院情况惨不忍睹

方俊接受本报记者访问时表示，疫情下嘅广华医院急症室爆满，候诊患者超多，部份依然喺户外搭建嘅临时隔离区帐篷内等候，昨日天寒地冻，加上整日落雨，情况惨不忍睹，当时他远距离见到张伟文卧牀喺帐篷内，只系覆盖住一张毛毯，估计张伟文喺户外帐篷内等咗超过10个小时。及后经他查询及了解，最后张伟文才被送往急诊室旁嘅负压病房内，他终可以隔住玻璃窗跟张伟文挥手。

天寒地冻下嘅广华医院，部份候诊者仍栖身喺户外搭建嘅临时隔离区帐篷内等候。

晚上方俊亲自去医院了解。

方俊要戴上健康手带才能走进急症室内。

似经历生离死别feel

方俊形容喺慌乱下终于跟张伟文相见，大家都好似经历咗生离死别feel，当时相当感触：「我见佢一脸倦容，好无力咁向我挥手，见返『亲人』眼神好有安全感，不过今次相见后，疫情下唔知几时可以重逢，我哋感触到眼湿湿，个心真系好酸，最惨我爱莫能助，只系问医护『究竟佢食咗嘢未？』」

初步确诊嘅张伟文情况算系稳定。

方俊多年来有情有义咁照顾张伟文。

更多第5波疫情资讯，请到以下专页浏览
按此  (https://bit.ly/3JqiBzz)

立即下载 | 全新《星岛头条》APP :  https://bit.ly/3yLrgYZ