疫情消息｜怀孕29周确诊 港妈网上直击：肚皮打薄血针直到BB出世

新冠病毒肆虐，人心惶惶，有港妈以「怀孕第29周 不幸确诊了」为题，由昨日至今日在网上讨论区亲子王国，发表惊心动魄的亲身经历，坦言一知道检查阳性结果，「我啲眼泪好不自觉咁流出嚟。」「早两日私家诊所睇到BB先两磅，如果而家出世好惊有啲咩事，然后姑娘教我打薄血针打系肚皮，之后每二十四小时打一次直到bb出生。」

该位港妈昨日晚上九时十四分开始发帖表示：「琴晚无端端发烧，已经好惊，冇伤风 流鼻水 喉咙痛，但系成个背脊同小腹都痛，早上七点几去咗那打素，做咗个快速测试，可能自己撩得唔好，第一次结果系阴性，以为可以松一口气。」

「咁姑娘就建议帮我叫架白车去威尔斯妇科入院做个检查，11点几去到威尔斯，入院前要再做多次快速测试同埋吐口水检查，今次系两条线，阳性。我啲眼泪好不自觉咁流出嚟，好惊影响到BB，唔知点算好。」

「然后佢哋帮我安排咗一间产科负压病房，然后仲有好多检查要做，首先鸭嘴夹攞分泌物检验，然后check BB心跳正常，阴超同超声波正常，然后系咁抽血，然后我就要喺度等口水嘅检测报告，然后仲有好多文件要我签，都系有啲咩事要开刀嗰啲同意书，我一路签一路喊。」

「早两日私家诊所睇到BB先两磅，如果而家出世好惊有啲咩事，然后姑娘教我打薄血针打系肚皮，之后每二十四小时打一次直到bb出生，晚上八点几，报告终于出咗，证实感染COVID-19，而且病毒量高，我又顿时觉得好旁徨，点解会咁，我净系惊病毒会影响到BB，然后决定问吓医生如果而家提早开刀拎BB出嚟风险会唔会冇咁大。」

她其后在今日下午四时多，继续发帖交代目前情况：「第一晚11点几左右， 医生话bb一切正常亦无早产迹象，所以决定帮我安排转到内科隔离病房，因为有另一位妈妈更需要呢间产科负压房，转到落去今次系有一位roommate，而佢都系一位确诊嘅准妈妈，佢无点发烧，只系咳，而且病毒量比我少，然后12点几就有医生推部x光机入嚟帮我哋两个照下个肺睇下有冇花，佢会有一块硬硬地既物体俾你遮住个肚，照前医生话其实29周bb已经成形，影响不大所以都无得担心。」

「瞓醒第二日，bb今日30周喇，一早就有妇科医生入嚟帮我哋照超声波、量血压、笃手指，中午就check胎心，一切正常，我都松一口气，但我keep住反反覆覆都有发烧，希望我可以打败病菌啦。」

网民们纷纷留言为港妈打气：「祝你大步槛过，吉人天相。」「妈妈加油呀！好好休息，快啲好番！你同bb都平平安安。」

 

帖文转载自「亲子王国」

更多新冠疫情资讯请到以下专页浏览：（按此）

立即下载｜全新《星岛头条》APP：https://bit.ly/3yLrgYZ