爱回家丨TT梁证嘉情人节荣升做爸爸陪产15分钟见证妈妈坚强力量

2022-02-14 20:15

TVB剧《爱‧回家之开心速递》饰演朱天梯（TT）的梁证嘉（Kelvin），今日情人节荣升做爸爸，恭喜！Kelvin与太太结婚接近3年，今日在社交网上载一家三口合照，Kelvin抱住BB刚出世还未收水肿的BB，太太则戴住口罩躺在牀上，Kelvin兴奋留言：「情人节收到最好嘅礼物，就系多咗一个爸爸嘅身份，而家终于可以同大家分享！」

Kelvin对太太无限感激：「喺陪产仅有嘅15分钟，见证到梁太嘅勇敢，同埋体会到世上各位女士嘅勇气同坚强力量！生BB真系一啲都唔简单，我好庆幸成个过程都好顺利，仲有好多好多嘅人帮我哋！」他多谢完一班医护人员后，再次不兼肉麻多谢太太：「最后就系多谢梁太，你知我肉麻嘢好少讲…不过今次真系忍唔住…下删3000字，好喇，介绍翻佢就系啱啱出世嘅小Jacob，希望你健康快乐咁成长！欢迎各位爸爸妈妈同我分享吓凑仔经，等我未来呢几个月唔使咁手忙脚乱🔥 #小Jacob似唔似我 #个心忐忑左九个月 #我陪产嘅时候血压飙升紧张到差啲爆血管」。

现年33岁的梁证嘉十分长情，与太太是青梅竹马恋人；碍于太太任职工程师，所以Kelvin从来没有在社交网上放闪，今次太太戴住口罩影全家福，认真难得。