23岁魏浚笙姊弟恋爱得甜蜜唔想女友匿匿埋埋承诺3年内封盘结婚

2022-02-12 21:00

凭著超高颜值极速上位的魏浚笙（Jeffery），日前在陈志云的《Stephen‧倾》节目担任嘉宾，大谈爱情观及与家人关系。他透露小时候经常被爸爸用藤条打，所以好怕爸爸，后来父母离婚，父子关系反而变得更和谐，他说：「佢搬出去时，我同哥哥都好开心，都喺度笑，但当佢真系要走时，我都有唔开心。喺我读中三时，爸爸信基督教后，就锺意用说话说服人，而家我哋系朋友，佢就好似我人生导师咁，帮我分析好嘢。」

Jeffrey是阿正「迷恋」对象，被封新一代男神。不过，曾经是接近200磅肥仔的Jeffrey，似乎没有太大自信，不觉得自己靓仔，在节目中说：「由入娱乐圈开始冇话自己靓仔，我觉得一般，如果我叫靓仔，咁碧咸嗰啲叫咩？吴彦祖、陈冠希、金城武嗰啲先叫靓仔。」他自言最满意自己眉骨T字骨够深邃，但就不喜欢自己「个鼻成个波」，每次打边炉都会吸好多味精，而变大鼻仔。志云问他靓仔有甚么著数？他即煨Sir上身，答得单纯又可爱：「买菜会多条葱。我成日买餸，喺大埔街市。」他坦承与女友Evelyn已去到同居关系，平时女友煮饭，他就负责买餸和洗碗，唔使女友操劳，非常sweet。

Jeffery接受陈志云访问。

Jeffery自爆细个成日畀爸爸打。

Jeffery与女友拍拖6年，表示系一见锺情。

Jeffrey同Evelyn喺ViuTV真人骚《调教你男友》已公开恋情。

现年23岁的Jeffrey与比他大四年的女友Evelyn拍拖6年，他表示被对方的内涵吸引，而且是一见锺情，他说：「觉得佢好叻，出口成文，用成语沟通，嗰时谂佢系咪老师，教中文。」最初与女友沟通有困难，但慢慢协调出方法：「我又变返有啲文化，佢又正常返啲。佢识我时好文绉绉，我锺意佢文绉绉，唔知呢，系感觉。」

Jeffrey不担心公开感情会影响事业，他Man爆表示：「我以前都冇谂过入行，因此冇谂过避忌，即使避忌都冇用，大家一定知。而且要对另一半有承诺，冇人想做另一半要做到要匿匿埋埋。身为一个男人，要公开同保护。」他有信心二人感情不会变，大赞Evelyn是「万能」女友，除了是他的经理人和化妆师外，更一齐开联名户口，问到几时结婚？他秒回：「我想呀，一直都想！我想喺佢30岁前结婚，但佢觉得好早。（仲有2年？）3年，但佢唔想咁快，希望我做好工作先。」Jeffrey坦言已想过如何求婚，希望届时可在外国向女友求婚，并制作成纪录片。节目中，Evelyn一直在镜头外陪伴，Jeffrey不单公开爱的宣言，最后还唱出Dear Jane的《不许你注定一人》送给女友，大放闪光弹！