玩X爆香港地丨KB烧生啤去另一空间 Alina首主持综艺获赞

2022-02-12 23:00

ViuTV综艺节目《玩X爆香港地》昨晚（11日）播出最后一集，今次李健宏（KB）、郑伊琪（浩南）及李炘颐（Alina）三位主持前半集去埋葵青区，带香港人搵嘢玩。三人与一众团友到室内War Game场玩BB弹枪，KB玩起上嚟，完全唔顾两位女拍档，搞到浩南与Alina接受疯狂BB弹放题，真系笑爆嘴呀！

呢个队名好有气势。

带团友去打War Game。

原来KB唔识打War Game。

浩南同Alina要捱BB弹放题。

昨晚（11日）是最后一集，后半段就带同之前参加节目的各区市民到新界，找来师傅做咗场大法事，称希望另一个空间的朋友仔都可以开心睇节目，因此烧咗好多睇紧ViuTV的纸扎电视，不过最惊喜的是，仲有只近2米高的纸扎生啤（ViuTV吉祥物Sound Bear），估唔到继ERROR啲节目炸生啤，而家KB仲烧生啤添！

带欢乐俾另一个空间嘅朋友仔。

朋友仔一定好多谢KB。

有只近2米高嘅纸扎生啤，下次唔知有冇生菜。

继ERROR炸生啤，今次有KB烧生啤。

《玩X爆》系列以往都是由KB主持带大家去外地旅行，不过受疫情影响，他就带大家《玩X爆香港地》，片尾感想都话原来拍香港先系最困难，因为这个地方香港观众太熟悉，不过完成到都好开心。KB早前曾在节目中称，事前看到浩南与Alina来Casting都曾经有啲担心，不过合作拍摄时两位女主持都非常放得开，三人都合作得好开心。

三位主持首次合作。

大家都拍得好开心。

而首次主持综艺节目的Alina，在节目中的表现亦都获网民赞赏，指她很放得开，而且转数都几快，叫她继续努力。而Alina昨晚（11日）在节目播完后，也在IG打长文分享首次主持的感想：「由我完全冇信心去Casting嘅第一日到今晚播出最后一集🥲所有嘢都非常感恩！『唔容易』，因为疫情，我哋拍摄上有好多掣肘，辛苦宁爷KB同团队们，大家都尽最大嘅努力用尽最有限嘅资源去比最好嘅嘢大家睇！」又十分多谢参加的所有团友，将人同人的距离拉近，带出香港人的人情味。她亦知道自己仲有好大进步空间，对于外界一直觉得佢份人好寸，有Fans都力撑其实Alina为人好Nice。而Alina都表示：「希望假寸寸感觉可以慢慢拉番平均啲。」仲话会继续努力呀！